महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

IPL 2024 Points Table l आयपीएल 2024 च्या 23 व्या सामन्यात सनरायझर्स हैदराबाद आणि पंजाब किंग्ज या संघांमध्ये लढत झाली. मुल्लानपूर येथील महाराजा यादवेंद्र सिंग आंतरराष्ट्रीय क्रिकेट स्टेडियमवर झालेल्या या सामन्यात हैदराबादने 2 धावांनी विजय मिळवला आहे. शेवटच्या षटकात पंजाबला विजयासाठी 29 धावांची गरज होती, मात्र संघाला 26 धावाच करता आल्या. पंजाबच्या या पराभवानंतर आणि हैदराबादच्या जवळच्या विजयानंतर गुणतालिकेत मोठे फेरबदल झाले आहेत.

IPL 2024 मध्ये हे आहेत टॉप-4 संघ :

सामना जिंकल्यानंतर हैदराबादचा संघ 6 गुणांसह पाचव्या क्रमांकावर आहे. तर सामना गमावलेला पंजाब किंग्स 4 गुण आणि -0.196 च्या निव्वळ धावगतीने सहाव्या स्थानावर आहे. दोन्ही संघांमध्ये आतापर्यंत 5-5 सामने खेळले गेले आहेत, ज्यामध्ये हैदराबादने 3 आणि पंजाबने 2 जिंकले आहेत.

पॉईंट टेबलनुसार, राजस्थान रॉयल्स जबरदस्त फॉर्ममध्ये दिसत आहे आणि सर्व 4 सामने जिंकून अव्वल स्थानावर आहे. त्यानंतर 4 पैकी 3 सामने जिंकणारा कोलकाता नाईट रायडर्स 6 गुण आणि +1.528 च्या निव्वळ धावगतीने दुसऱ्या स्थानावर आहे. यानंतर 4 पैकी 3 जिंकणारा लखनौ सुपर जायंट्स 6 गुण आणि +0.775 च्या निव्वळ रन रेटसह तिसऱ्या स्थानावर आहे. तसेच चेन्नई सुपर किंग्ज 5 पैकी 3 विजयांसह चौथ्या स्थानावर आहे.

IPL 2024 Points Table l इतर संघांची परिस्थिती काय? :

याशिवाय सनरायझर्स हैदराबाद पाचव्या आणि पंजाब किंग्ज सहाव्या स्थानावर आहे. यानंतर गुजरात टायटन्स 4 गुण आणि -0.797 च्या निव्वळ धावगतीने सातव्या स्थानावर आहे.

त्यानंतर मुंबई इंडियन्स, रॉयल चॅलेंजर्स बंगलोर आणि दिल्ली कॅपिटल्स अनुक्रमे 2-2 गुणांसह आठव्या, नवव्या आणि दहाव्या स्थानावर आहेत. निव्वळ धावगतीच्या फरकामुळे सर्व संघांच्या स्थानांमध्ये फरक आहे.