महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Sharad Pawar l लोकसभा निवडणुकीच्या पार्श्वभूमीवर राष्ट्रवादी काँग्रेस पक्षाचे अध्यक्ष शरद पवार यांची जळगावच्या भुसावळ येथे सभा पार पडली. या सभेदरम्यान शरद पवारांनी पंतप्रधान नरेंद्र मोदींवर खरपूस शब्दांत टीका केल्यानं ही सभा चर्चचा मुद्दाच बनली आहे. अशातच या सभेदरम्यान माजी आमदार संतोष चौधरी यांनी शरद पवारांकडे एक मोठी मागणी केली आहे.

Sharad Pawar l साहेब एकनाथ खडसे यांची हकालपट्टी करून टाका :

भुसावळ येथील सभेत माजी आमदार संतोष चौधरी यांनी एकनाथ खडसे यांची हकालपट्टी करून टाका अशी मागणी शरद पवार यांच्याकडे केली आहे. “एकनाथ खडसे हे दरवाजा ठोकून ठोकून थकले. मात्र भाजप त्यांना काय घेत नाही. साहेब, आपली आमदारकी त्यांच्यामुळे वाया गेली आहे.

एकनाथ खडसेंची दिल्लीला जायला तब्येत खराब नसते आणि मीटिंग घ्यायला तब्येत खराब असते. तसेच सुनेला तिकीट मिळाल्यानंतर कशी त्यांची तब्येत खराब होत नाही?” अशी टीका माजी आमदार संतोष चौधरी यांनी केली आहे. तसेच एकनाथ खडसे ज्या ज्या ठिकाणी फिरताहेत त्या ठिकाणी त्यांच्या सोबत 100 लोक सुद्धा फिरत नाही.

पवार साहेब तुम्ही अशा लोकांपासून यापुढे सावध राहा – संतोष चौधरी

एकनाथ खडसे यांना भाजप पक्षाने व्यासपीठावर यायला सांगितले आहे. तसेच फक्त चोरून चोरून सभा घ्यायला सांगितली आहे. त्यामुळे एकनाथ खडसे यांचा विषय संपवून टाका. तसेच ते स्वतः आमदारकीचा राजीनामा द्यायला तयार नाहीत. माझ्यासारखा स्वाभिमानी कार्यकर्ता असला तर आमदारकीचा राजीनामा देखील देऊन टाकला असता. मात्र थोडीफार पण त्यांना लाज वाटत नाही असा घणाघाती हल्ला संतोष चौधरी यांनी केला आहे.

याशिवाय पवार साहेब तुम्ही अशा लोकांपासून यापुढे सावध राहा. ज्या लोकांनी तुमच्यासोबत म्हणजेच शरद पवार साहेबांसोबत गद्दारी केली आहे त्या लोकांचा बदला आम्ही घेतल्याशिवाय स्वस्त बसणार नाही अशा शब्दांत माजी आमदार संतोष चौधरी यांनी शरद पवार यांच्यासमोर भाषणातून एकनाथ खडसे यांच्यावर थेट हल्लाबोल केला आहे.