महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

MS Dhoni viral Video l महेंद्रसिंग धोनी सध्या आयपीएल 2024 च्या तयारीत व्यस्त आहे. चेन्नई सुपर किंग्जच्या कर्णधाराने सराव सत्रादरम्यान त्याचा प्रतिष्ठित हेलिकॉप्टर शॉट खेळला आणि जुन्या काळातील आठवणींना उजाळा दिला आहे. अशातच एमएस धोनी अलीकडेच त्याच्या लांब केसांमुळे चर्चेत आला होता. अशातच आता धोनी प्रॅक्टिस मध्ये जास्त सहभाग घेत आहे आणि नेटमध्ये फलंदाजी करताना तो खूप चांगल्या फॉर्ममध्ये दिसत होता. सीएसकेचे फलंदाजी प्रशिक्षक माइक हसीने कर्णधार धोनीच्या फलंदाजीवर बारीक नजर ठेवली आहे.

MS Dhoni viral Video l धोनीचा व्हिडिओ व्हायरल :

IPL 2024 हा एमएस धोनीसाठी शेवटचा सीझन असल्याची शक्यता वर्तवली जात आहे. त्यामुळे MS Dhoni ला यंदाचे ipl पर्व संस्मरणीय बनवायचे आहे हे स्पष्ट झाले आहे. एमएस धोनीने मागच्या वर्षी सांगितले होते की तो चाहत्यांसाठी आणखी एक सीझन खेळण्याचा प्रयत्न करेल आणि तो यंदाच्या हंगामात खेळणार असल्याचे दिसत आहे.

एमएस धोनीचा एक व्हिडिओ सोशल मीडियावर व्हायरल झाला आहे. या महान यष्टिरक्षक फलंदाजानेही आयकॉनिक हेलिकॉप्टर शॉट खेळला, ज्याचे खूप कौतुक होत आहे. फलंदाजी प्रशिक्षक माइक हसीनेही एमएस धोनीशी काही संवाद साधल्याचे व्हिडिओमध्ये दिसत आहे.

We Sure gonna see few Helicopters this Season if he bats a bit longer unlike last season @msdhoni 🔥 pic.twitter.com/zXp6STLhkm

— 🎰 (@StanMSD) March 19, 2024

MS Dhoni viral Video l फलंदाजीच्या क्रमात बदल होणार का? :

एमएस धोनी सहसा खालच्या क्रमाने फलंदाजीला येतो. सीएसकेच्या चाहत्यांना त्यांची थलाची फलंदाजी दीर्घकाळ पाहण्याची आशा आहे, ज्यासाठी कर्णधार थोडा आधी फलंदाजीसाठी आला. सध्या डेव्हन कॉनवे दुखापतग्रस्त आहे, त्यामुळे धोनी आपल्या फलंदाजीच्या क्रमवारीत काही बदल करणार की नाही हे पाहणे उत्सुकतेचे ठरणार आहे.

पाच वेळा आयपीएल चॅम्पियन चेन्नई सुपर किंग्ज 22 मार्च रोजी रॉयल चॅलेंजर्स बंगळुरूविरुद्ध आपल्या मोहिमेची सुरुवात करणार आहे. हा सामना चेन्नईच्या एमए चिदंबरम स्टेडियमवर होणार आहे.