महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Nirmala Sitharaman | आगामी लोकसभा निवडणुकीच्या तोंडावर राज्याच्या नाहीतर देशाच्या राजकारणामध्ये अनेक बदल होऊ लागले आहेत. कधी कोणता ट्वीस्ट निर्माण होईल हे सांगता येत नाही. भाजपची सातवी यादी जाहीर करण्यात आली. तसेच भाजपने आपल्या स्टार प्रचारकांची यादी देखील जाहीर केली आहे. अशातच आता केंद्रीय अर्थमंत्री निर्मला सीतारमण (Nirmala Sitharaman) यांच्या विधानानं अनेकांचं लक्ष वेधलं आहे.

देशाच्या अर्थमंत्री निर्मला सीतारमण (Nirmala Sitharaman) यांनी माझ्याकडं निवडणूक लढवायला पैसे नाहीत, असं वक्तव्य केलं. त्याची सध्या सर्वत्र चर्चा होताना दिसते. पैसे नसल्यानं निवडणूक लढण्यासाठी नकार दिला आहे. एका वृत्तवाहिनीला मुलाखत देत असताना निर्मला सितारमण (Nirmala Sitharaman) यांनी हे वक्तव्य केलं होतं.

भाजप अध्यक्ष जे.पी. नड्डा यांनी निर्मला सितारमण (Nirmala Sitharaman) यांनी निवडणूक लढवण्याचा प्रस्ताव मांडला होता. मात्र निर्मला सितारमण यांनी तो प्रस्ताव धुडकवला आहे. आपल्याकडे पैसे नसल्यानं निर्मला सीतारमण यांनी निवडणूक न लढण्याचा निर्णय घेतला आहे.

आंध्रप्रदेश किंवा तमिळनाडूतून निवडणूक लढणार

निर्मला सीतारमण यांना आंध्रप्रदेश किंवा तमिळनाडू येथून निवडणूक लढवण्याची संधी होती. जे.पी. नड्डा यांनी यासाठी त्यांच्यासमोर प्रस्ताव देखील मांडला होता. त्याबद्दल मी दहा दिवस विचार केला आणि निवडणूक लढण्याचा प्रस्ताव फेटाळून लावला होता, असं निर्मला सीतारमण म्हणाल्या.

“माझा पगार ही माझी सेव्हिंग”

निवडणूक लढवण्यासाठी पुरेसे पैसे नसल्याचं निर्मला सीतारामण म्हणाल्या आहेत. त्यावर विचारण्यात आलं की, तुम्ही देशाचे अर्थमंत्री आहात तुम्ही पैसे नसल्याचं म्हणत आहात? यावर आता सीतारमण म्हणाल्या की, “देशाचा निधी आहे माझा निधी नाही. माझा पगार ही माझी सेव्हिंग आहे”, असं निर्मला सीतारमण म्हणाल्या आहेत.

“निवडणुकीमध्ये जात धर्मांचा आधार घेतला जातो ते मला पटत नाही. त्यामुळे निवडणूक लढवण्यासाठी स्पष्ट नकार दिला आहे. पक्षाध्यक्षांनी माझ्या उत्तराशी सहमती दर्शवली”, असं निर्मला सीतारमण म्हणाल्या आहेत.