Vinesh Phogat | भारतीय कुस्ती महासंघाचे माजी अध्यक्ष ब्रीजभूषण शरण सिंह यांच्याविरोधातील आंदोलनानंतर कुस्तीपटू विनेश फोगाट फार चर्चेत राहिली आहे. मागील काही कालावधीपासून ती कोणत्या ना कोणत्या कारणाने वादात सापडत आहे. ऑलिम्पिक पात्रता फेरीसाठी तिच्या निवडीबाबत अलीकडेच वाद झाला, ज्यामध्ये विनेशने 50 किलो गटात आपले स्थान निश्चित केले आहे. कुस्ती संघटनेच्या पदाधिकाऱ्यांनी तिच्यावर डोप चाचणीत भाग न घेतल्याचा आरोप केला, त्यानंतर विनेशने या प्रकरणी आपले म्हणणे मांडले असून चुकीची माहिती न पसरवण्याचे आवाहन केले.
गेल्या आठवड्यात पटियाला येथे झालेल्या राष्ट्रीय चाचण्यांमध्ये विनेश फोगाटने दोन वेगवेगळ्या श्रेणींमध्ये भाग घेतला होता. तिला तिच्या 53 किलो या मुख्य वजनी गटात विजय नोंदवण्यात अपयश आले होते, परंतु 50 किलो वजनी गटात तिने आशियाई ऑलिम्पिक पात्रता फेरीचे तिकीट मिळवले होते. पण ती दोन गटात खेळल्यामुळे तिला लक्ष्य केले गेले.
कुस्तीपटूची संतप्त प्रतिक्रिया
दरम्यान, पटियाला येथे राष्ट्रीय चाचण्यांचे आयोजन करण्यात आले होते, ज्यामध्ये विनेशने 50 किलो वजनी गटात विजय संपादन केला. यासोबतच विनेशने 53 किलो वजनी गटातही भाग घेतला होता, जी नेहमीच तिची मुख्य स्पर्धा राहिली होती, पण त्यात ती विजय मिळवण्यात अपयशी ठरली. खरं तर विनेशवर दोन्ही श्रेणींमध्ये भाग घेण्याची मागणी करत चाचण्यांमध्ये गोंधळ निर्माण केल्याचा आरोप होता. एवढेच नाही तर विनेशने डोप चाचणीसाठी नमुनाही दिला नसल्याचा आरोप कुस्ती महासंघाच्या अधिकाऱ्यांनी केला.
विनेश फोगाटने आता हे सर्व आरोप फेटाळून लावले असून कोणत्याही प्रकारची चुकीची माहिती पसरवू नका असे आवाहन केले आहे. विनेश म्हणाली की, तिने खेळात नेहमीच प्रामाणिकपणा आणि पूर्ण समर्पणाने कामगिरी केली आहे. दिग्गज भारतीय कुस्तीपटूने सोशल मीडियावर एक लांबलचक पोस्ट केली असून डोप चाचणीबाबतचे आरोप खोटे असल्याचे तिने म्हटले आहे.
— Vinesh Phogat (@Phogat_Vinesh) March 14, 2024
Vinesh Phogat कडाडली
विनेशने सांगितले की, इतर अंतिम स्पर्धकांप्रमाणे तिनेही गेल्या महिन्यात झालेल्या राष्ट्रीय स्पर्धा आणि या चाचणीत भाग घेतला होता. इतकेच नाही तर विनेशने ती ऑलिम्पिक पात्रता फेरीपर्यंत पोहोचू शकली नसल्याचा दावा करणाऱ्या बातम्यांचे खंडन केले. अशा बातम्या छापणाऱ्यांनी वस्तुस्थिती तपासून पाहावी, असा सल्लाही तिने दिला.
विनेशने तिच्यावर आरोप करणाऱ्यांना प्रत्युत्तर देताना म्हटले की, दोन श्रेणींमध्ये लढणे चुकीचे आहे पण नियम तपासा. युनायटेड वर्ल्ड रेसलिंगच्या (UWW) नियमांच्या कलम 7 नुसार कोणताही कुस्तीपटू केवळ त्याच्या निर्धारित वजन गटातच लढू शकतो परंतु हे फक्त आंतरराष्ट्रीय स्पर्धांना लागू होते आणि राष्ट्रीय चाचण्यांना नाही. चाचण्यांचे आयोजन करणाऱ्या अधिकाऱ्यांनीही याला परवानगी दिली असल्याचा दावा विनेशने केला. तसेच ब्रीजभूषण यांना जेव्हापासून विरोध केला आहे, तेव्हापासून अनेक आव्हानांना सामोरे जावे लागले आहे आणि असे असतानाही मी या खेळात प्रामाणिकपणे भाग घेण्याचा निर्धार केला आहे, असेही विनेश फोगाटने नमूद केले.
News Title- Female wrestler Vinesh Phogat has responded to critics through a post
महत्त्वाच्या बातम्या –
मुंबई पुन्हा एकदा अजिंक्य! चॅम्पियन संघावर पैशांचा पाऊस, रहाणेची भावनिक प्रतिक्रिया
“भाजपची गॅरंटी चायनीज मालासारखी, चले तो चांद तक, नही तो शाम तक”
“त्यांनी एकदा स्पष्टच करावं की…”, अमित शाह यांची उद्धव ठाकरेंवर सडकून टीका
लोकसभा निवडणुकीपूर्वी पेट्रोल-डिझेलच्या दरात कपात, सरकारची घोषणा
टप्पू नव्हे तर बबिताजी ‘या’ अभिनेत्यासोबत होती रिलेशनमध्ये?; स्वतःच केला खुलासा!