महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

AI Predict IPL 2024 Winner l सध्या आयपीएलचा हंगाम जोरात सुरु आहे. आयपीएल 2024 मध्ये आर्टिफिशियल इंटेलिजन्स (AI) ने भविष्यात इंडियन प्रीमियर लीगच्या विजेत्या संघांचा अंदाज लावला आहे. विराट कोहलीच्या चाहत्यांना प्रश्न पडला आहे की, आरसीबीला आयपीएलचे जेतेपद कधी जिंकता येईल? आता या प्रश्नाचे उत्तर आर्टिफिशियल इंटेलिजन्सने दिले आहे.

AI Predict IPL 2024 Winner l रॉयल चॅलेंजर्स बंगळुरू 2029 मध्ये ट्रॉफी जिंकणार :

ChatGPT नुसार, रॉयल चॅलेंजर्स बंगळुरू 2029 मध्ये ट्रॉफी जिंकेल, जी आजपासून 5 वर्षे दूर आहे. मात्र विराट कोहली तोपर्यंत क्रिकेट खेळणार की नाही या प्रश्नाचे उत्तर देणे सध्या कठीण आहे. आयपीएल 2024 मध्ये RCB सध्या पॉइंट टेबलमध्ये शेवटच्या स्थानावर आहे आणि प्लेऑफच्या शर्यतीत राहण्यासाठी त्यांना आता त्यांचे जवळपास सर्व सामने जिंकावे लागतील.

सध्याच्या मोसमातील प्लेऑफमध्ये पोहोचणे बेंगळुरूसाठी खूप कठीण आहे. AI च्या अंदाजानुसार, पुढील 5 सीझन देखील RCB साठी संघर्षाचे असू शकतात. आयपीएल 2024 मध्ये बेंगळुरूने आतापर्यंत खेळलेल्या 7 सामन्यांमध्ये फक्त एक विजय नोंदवला आहे. फलंदाजीपासून गोलंदाजी आणि क्षेत्ररक्षणापर्यंतही संघ अपयशी ठरत आहे.

यंदाच्या वर्षी गुजरात टायटन्स विजेतेपद पटकवणार; AI चा अंदाज

RCB 2020 ते 2022 पर्यंत सतत प्लेऑफमध्ये पोहोचले होते, पण IPL ट्रॉफी जिंकू शकले नाही. आयपीएल 2023 मध्ये संघ पुन्हा एकदा खराब कामगिरीमुळे प्ले ऑफमध्ये प्रवेश करू शकला नाही आणि यावेळी देखील संघ संकटाच्या परिस्थितीत अडकलेला दिसत आहे. AI ने वर्तवलेल्या अंदाजात IPL 2024 चा चॅम्पियन गुजरात टायटन्स असणार आहे. अशातच पुढील वर्षी म्हणजेच 2025 मध्ये चेन्नई सुपर किंग्ज जिंकेल अशी अपेक्षा आहे.

विराट कोहली आरसीबीसाठी सातत्याने चांगली फलंदाजी करत आहे. कोहलीने आयपीएल 2024 मध्ये आतापर्यंत 1 शतक आणि 2 अर्धशतकांच्या मदतीने 361 धावा केल्या आहेत. कोहली या स्पर्धेत सर्वाधिक धावा करणारा फलंदाज आहे. तसेच कर्णधार फाफ डू प्लेसिस आणि दिनेश कार्तिक यांनीही गेल्या 2 सामन्यात फलंदाजीत आपले कौशल्य दाखवले असले तरी एकट्या या 3 खेळाडूंच्या जोरावर संघ चॅम्पियन होऊ शकत नाही.