महत्त्वाच्या बातम्यांसाठी ग्रुप जॉईन करा

Uttarkashi Tunnel Rescue | उत्तरकाशीतील बोगद्यात अडकलेल्या 41 कामगारांसाठी चार इंच व्यासाचा 70 मीटर लांब स्टीलचा पाइप वरदान ठरला आहे. हा पाईप नसता तर कामगारांचं काय झालं असतं हा विचार न केलेलाच बरा. हा तोच पाइप आहे ज्याद्वारे 12 नोव्हेंबरच्या संध्याकाळी पहिल्यांदाच कामगारांना बोगद्यातून पाणी सोडलं गेलं आणि ते सुरक्षित असल्याचं समजलं.

Big update from Uttarkashi 

ऑक्सिजन आणि पुरवठ्याबरोबरच आवश्यक असलेली औषधेही या पाईपद्वारे कामगारांना पुरवण्यात आली. या पाईपमधून त्यांना सुखरूप बाहेर काढण्यासाठी युद्धपातळीवर बचावकार्य राबवण्यात आलं. या पाईपमधून ते आपल्या नातेवाईकांना आपल्याला काही होणार नाही याची खात्री देत ​​राहिले.

“पाइपमधून आवाज आला अन्…”

12 नोव्हेंबर रोजी सकाळी बोगद्याच्या एका भागात पोकळी उघडल्यामुळे मोठ्या प्रमाणात भूस्खलन झाल्यामुळे आठ राज्यांतील 41 कामगार आत अडकले होते. सुमारे 12 तास त्याच्याशी संपर्क होऊ शकला नाही. त्यानंतर 20 नोव्हेंबरच्या संध्याकाळी रेस्क्यू टीमने बोगद्याच्या आत सहा इंच व्यासाचा स्टील पाइप टाकला होता, जेणेकरून कामगारांना अन्न आणि इतर आवश्यक वस्तू पोहोचवता याव्यात, त्यापूर्वी नऊ दिवस त्याच सहा इंच पाइपमधून आवाज येत होता.

बोगद्यात अडकलेले कोटद्वारचे रहिवासी गबर सिंग नेगी यांनी त्याच दिवशी संध्याकाळी उशिरा आधीच टाकलेल्या चार इंच जाड स्टीलच्या पाईपमधून पाणी सोडले तेव्हा बचाव पथकाला त्याच्याशी संपर्क करण्याचा मार्ग सापडला. तेव्हापासून 20 नोव्हेंबरपर्यंत या पाईपद्वारे बोगद्यात ऑक्सिजन, पुरवठा आणि अत्यावश्यक औषधे पोहोचवली जात होती.

‘ती’ एक गोष्ट ठरली वरदान

रेस्क्यू टीम आणि त्यांचे नातेवाईक नऊ दिवस या पाईपद्वारे बोगद्यात अडकलेल्या कामगारांशी संवाद साधत राहिले. या पाईपच्या माध्यमातून डॉक्टर कामगारांच्या तब्येतीची विचारपूस करत राहिले आणि आवश्यक सल्लाही देत ​​होते.

दरम्यान, उत्तरकाशीतील सिल्कयारा बोगद्यात अडकलेल्या 41 मजुरांना सुखरूप बाहेर काढण्याचं ऑपरेशन जवळपास यशस्वी झालं असून खोदकाम पूर्ण झालं आहे. आता कामगार कधीही बाहेर पडू शकतात. एनडीआरएफ आणि एसडीआरएफची टीम घटनास्थळी पोहोचली आहे. आशा आहे की लवकरच चांगली बातमी येईल. कामगारांना तातडीने रुग्णालयात नेण्यासाठी ग्रीन कॉरिडॉर करण्याचे काम पूर्ण झालं आहे. कामगार बाहेर येताच त्यांना आरोग्य तपासणीसाठी रुग्णालयात पाठवलं जाईल, अशी माहिती आहे.

महत्त्वाच्या बातम्या- 

Pune Crime | माणुसकीला काळीमा फासणारं कृत्य; मुक्या जीवावर गोळीबार

“6 डिसेंबरनंतर देशात कधीही काहीही होऊ शकतं”; ‘या’ बड्या नेत्याच्या वक्तव्याने खळबळ

Manoj Jarange Patil यांनी घेतली माघार; केलं ‘हे’ मोठं वक्तव्य

Skin Care | चेहऱ्यावर Beer लावल्याने होतात ‘हे’ फायदे

Tesla ची सर्वात स्वस्त कार भारतात येणार, जाणून घ्या किंमत