महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

मुंबई | शरद पवार (Sharad Pawar) गटाकडून लोकसभा उमेदवारांची दुसरी यादी जाहीर करण्यात आली. यामध्ये दोन उमेदवारांचा समावेश आहे. बीडमध्ये शिवसंग्रामच्या नेत्या ज्योती मेटे यांचं नाव चर्चेत असताना शरद पवार गटाकडून बजरंग सोनवणे यांना उमेदवारी देण्यात आली आहे.

शरद पवार गटाची दुसरी यादी जाहीर

ज्योती मेटे यांच्यापेक्षा बजरंग सोनावणे यांच्याकडे निवडणूक लढवण्यासाठी असलेली यंत्रणा आणि क्षमता हे निकष लक्षात घेता शरद पवार (Sharad Pawar) गटाने बजरंग सोनावणे यांना बीडमधून उमेदवारी देऊ केली आहे.

पंकजा मुंडे विरुद्ध बजरंग सोनावणे

अजित पवार गटातून शरद पवार गटात आलेलेल बजरंग सोनवणे यांना शरद पवारांनी उमेदवारी दिली आहे. बजरंग सोनवणे यांनी गेल्या लोकसभा निवडणुकीवेळीदेखील राष्ट्रवादीकडून निवडणूक लढवली होती. त्यावेळी ते सर्वाधित मते मिळवणाऱ्या उमेदवारांच्या यादीत दुसऱ्या क्रमांकावर होते.

बीडमध्ये आता पंकजा मुंडे विरुद्ध बजरंग सोनावणे अशी लढत रंगेल. याआधी पहिल्या उमेदवार यादीत शरद पवार गटाने 5 उमेदवार जाहीर केले होते. आता नव्याने दोन उमेदवारांची दुसरी यादी शरद पवार गटाने जाहीर केली आहे.

शरद पवार गटाकडून भिवंडी मतदारसंघातून सुरेश उर्फ बाळ्यामामा म्हात्रे यांना उमेदवारी देण्यात आली आहे. बारामतीमधून सुप्रिया सुळे यांना उमेदवारी जाहीर करण्यात आली आहे. तर अहमदनगरमधून निलेश लंके यांना उमेदवारी जाहीर करण्यात आली आहे.