महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Chanakya Niti | भारतीय इतिहासातील एक महत्त्वाचे व्यक्तिमत्त्व म्हणून आचार्य चाणक्य यांना ओळखले जाते. ते भारतीय राजकारण आणि धर्मशास्त्राचे तज्ञ होते. त्यांनी भारतीय राजकारणाचे नैतिक सिद्धांत स्थापित केले.चाणक्य यांचे (Chanakya Niti) खरे नाव विष्णुगुप्त होते.

आचार्य चाणक्य मौर्य सम्राट चंद्रगुप्त मौर्य यांचे मुख्य सल्लागार आणि मंत्री होते, ज्यांनी चंद्रगुप्त मौर्याला सम्राट बनवण्यात महत्त्वाची भूमिका बजावली होती. अर्थशास्त्र, चाणक्य नीति, नीतिशास्त्र आणि मुद्राराक्षस या त्यांच्या प्रसिद्ध रचना आहेत.

चाणक्य यांनी सांगितलेली धोरणे आजही जीवनामध्ये उपयुक्त पडतात. त्यांनी जीवनाच्या प्रत्येक पैलूवर सविस्तर माहिती दिली आहे. त्यांनी सांगितलेल्या तत्त्वांचे पालन केले तर कोणत्याही समस्यातून बाहेर पडणं अवघड नाहीये. चाणक्य नीती ही सामाजिक, आर्थिक, शैक्षणिक तसेच वैयक्तिक जीवनावर खोलवर परिणाम करते.

मनुष्याला जर जीवनात आर्थिक दृष्ट्या प्रगल्भ आणि यशस्वी व्हायचं असेल तर आचार्य चाणक्य यांनी काही गोष्टी सांगितल्या आहेत, ज्यामुळे तुम्हाला पैशांची कमी कधीच भासणार नाही. तुमच्यावर नेहमी लक्ष्मीची कृपा राहील. या गोष्टी नेमक्या कोणत्या हे खाली दिले आहे.

पैशांची बचत

मनुष्य जगण्यासाठी आणि आपल्या गरजा पूर्ण करण्यासाठी रोज मेहनत घेतो. कष्ट घेतो आणि मिळालेल्या पैशापासून आपलं पोट भरतो.मात्र, सर्व पैसा हा जर फक्त गरजा भागवण्यामध्येच जात असेल तर, बचत होत नाही . त्यातही (Chanakya Niti) कोणत्या गरजा भागवणे अत्यंत गरजेचे आहे हे बघणेही आवश्यक असते.

मनुष्य नको त्या गोष्टीमध्ये अधिक धन खर्च करत असतो. मग, कठीण प्रसंगी त्याला आर्थिक अडचणी येतात. त्यामुळे व्यक्तीकडे नेहमी काही बचत शिल्लक असायला हवी. त्यामुळे प्रत्येकाने पैशांची बचत करायलाच हवी. यासाठी आपण नियोजन आखले पाहिजे. हीच सवय तुम्हाला कधीच आर्थिक अडचण भासू देणार नाही.

गुपित बाळगणे

आचार्य चाणक्य (Chanakya Niti)यांच्यामते काही गोष्टी जो पर्यंत पूर्ण होत नाहीत, तोपर्यंत त्या गोष्टी कधीच उघड करू नयेत. आपण ध्येय प्राप्ती होईपर्यंत गुपित पाळायला हवे. अन्यथा ती गोष्ट पूर्ण नाही झाली की मनुष्य निराश होतो. निराश झाल्यामुळे पुन्हा नव्याने सुरुवात करण्यासाठी त्याला रुची येत नाही.

यामुळे मनुष्य आळशी होतो. कोणतेही कार्य घडत नाही. तो आपल्या ध्येयापासून दुर जातो. त्यामुळे आयुष्यात काही गोष्टी गुप्त ठेवल्या पाहिजेत. अर्थातच दिखावा करू नये. यामुळे आपलेच नुकसान होते.

मेहनत घेणे

चाणक्य (Chanakya Niti) यांच्यामते व्यक्तीला कोणत्याही गोष्टीमध्ये मेहनत घ्यायची तयारी असावी. जो मनुष्य कष्ट घेतो त्याला यश मिळते. कष्ट करणाऱ्याला कधीच आर्थिक अडचण भासत नाही. त्याच्याकडे नेहमी पैसा खेळत असतो. त्यामुळे मनुष्याने मेहनती कष्टकरू असायला हवे. या तीन सवयी तुम्हाला धनवान बनवतीलच सोबतच तुम्ही आयुष्यात सुखी देखील राहाल.