Cough Syrup | खोकला झाल्यावर अनेकजण कफ सिरप घेणं पसंत करतात. खोकला झाल्यावर असं करणं ही आता एक अगदी सामान्य बाब झाली आहे. अनेकजण खोकल्यातून सुटका मिळवण्यासाठी कफ सिरपचा वापर करात. मात्र झाला खोकला की घे कफ सिरप असं करणारांसाठी एक महत्त्वाची बातमी आहे.
देशात कफ सिरप (cough syrup) तयार करणाऱ्या 50 हून अधिक कंपन्या एका चाचणीत नापास झाल्या आहेत. काही महिन्यांपूर्वी उज्बेकिस्तानमध्ये (Uzbekistan) 19 मुलांचा भारतात तयार झालेल्या कफ सिरपने मृत्यू झाला होता, त्यानंतर अनेक आरोप-प्रत्यारोप झाले होते. या पार्श्वभूमीवर केंद्र सरकारने कफ सिरप तयार करणाऱ्या कंपन्यांच्या औषधांची चाचणी केली आणि त्यातून धक्कादायक गोष्टी समोर आल्या आहेत.
cough syrup: नेमका काय आहे हा प्रकार-
सेंट्रल ड्रग्ज स्टँडर्ड कंट्रोल (CDSCO) या संस्थाने आपल्या एका अहवालात म्हटले आहे की, ऑक्टोबरपर्यंत जारी केलेल्या 2,104 चाचणी अहवालांपैकी 54 कंपन्यांचे 128 किंवा 6 टक्के अहवाल मानक दर्जाचे (NSQ) नव्हते. उदाहरणार्थ, गुजरातच्या अन्न आणि औषध प्रयोगशाळेने ऑक्टोबरपर्यंत 385 नमुन्यांचे विश्लेषण केले गेले, त्यापैकी 20 उत्पादकांचे 51 नमुने मानक दर्जाचे नव्हते. तसेच केंद्रीय औषध चाचणी प्रयोगशाळा (CDTL) मुंबईने 523 नमुन्यांचे विश्लेषण केले, त्यापैकी 10 कंपन्यांचे 18 नमुने गुणवत्ता चाचणीत अपयशी ठरले आहेत आणि एक धक्कादायक बाब आहे.
प्रादेशिक औषध चाचणी प्रयोगशाळा (RDTL) चंदीगडने 284 चाचण्यांचा एक अहवाल जारी केला आहे. यामध्ये 10 कंपन्यांचे 23 नमुने NSQ होते. इंडियन फार्माकोपिया कमिशन (IPC) गाझियाबादने 502 अहवाल जारी केले, त्यामध्ये अनेक अपयशी ठरल्या आहेत. ‘टाईम्स ऑफ इंडिया’ने ‘इकॉनॉमिक्स टाइम्स’च्या हवाल्याने हे वृत्त दिले आहे.
जागतिक आरोग्य संघटनेचं काय म्हणणं?
जागतिक आरोग्य संघटनेने (डब्ल्यूएचओ) गेल्या वर्षी ऑक्टोबरमध्ये सांगितले, की गांबियातील सुमारे 70 मुलांचा मृत्यू हा भारतीय उत्पादकांनी बनवलेल्या खोकला आणि सर्दी सिरपशी (cough syrup) संबंधित असण्याची शक्यता आहे. तेव्हापासून भारताने बनवलेले कफ सिरप संशयाच्या कक्षेत आले. मे महिन्यामध्ये, भारताचे औषध नियंत्रक जनरलने (DCGI) राज्य औषध नियंत्रकांना त्यांच्या सरकारी मालकीच्या NABL-मान्यताप्राप्त प्रयोगशाळांना निर्यातीच्या उद्देशाने कफ सिरपच्या(cough syrup) उत्पादकांकडून प्राप्त नमुन्यांचे विश्लेषण प्रदान करण्यास प्राधान्य देण्याचे निर्देश दिले होते.
WHO च्या अहवालाला प्रतिसाद म्हणून ड्रग कंट्रोलर जनरल ऑफ इंडियाने राज्य औषध नियंत्रकांना निर्यात उद्देशांसाठी कफ सिरप उत्पादकांकडून प्राप्त नमुन्यांच्या विश्लेषणास प्राधान्य देण्याच्या सूचना दिल्या होत्या. परकीय व्यापार महासंचालनालयाने (DGFT) निर्यातदारांना त्यांच्या कफ सिरपची सरकारी प्रयोगशाळांमध्ये चाचणी घेणे आणि निर्यात करण्यापूर्वी विश्लेषणाचे प्रमाणपत्र (CoA) घेणे 1 जूनपासून बंधनकारक केले आहे. भारतासाठी मात्र ही मानहाणीकारक बाब आहे.
महत्त्वाच्या बातम्या-
Farmer Issue | शेतकऱ्यांचा सातबारा कोरा होणार?, संसदेत पहिल्याच दिवशी घुमला आवाज
Rain Update: अन् पाहता पाहता पावसाच्या पाण्यात कार वाहू लागल्या… भयानक दृश्यं
Bollywood News | ‘हा’ प्रसिद्ध अभिनेता मृत्यूच्या दारात, सिनेसृष्टीत एकच खळबळ
Weather Update | पुढच्या वर्षी देखील पाऊस नाही?, हवामान विभागाचा मोठा इशारा
Nashik | चालू व्याख्यानात विश्वंभर चौधरींना धक्काबुक्की, भाजप पदाधिकाऱ्यांसह ‘या’ लोकांवर आरोप