महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Mohammed Shami | मागील वर्षी भारतात पार पडलेल्या वन डे विश्वचकात मोहम्मद शमीने ऐतिहासिक कामगिरी केली. मोहम्मद शमीने उत्कृष्ट गोलंदाजी करून सर्वाधिक बळी घेण्याचा मान पटकावला. 2023 मध्ये मोहम्मद शमीच्या कामगिरीने सर्वांना प्रभावित केले. मात्र, आता मोहम्मद शमीला विशेष पुरस्काराने गौरविण्यात आले आहे. खरं तर उत्तर प्रदेशचे मुख्यमंत्री योगी आदित्यनाथ यांनी मोहम्मद शमीला हा पुरस्कार दिला आहे. ‘टाइम्स ऑफ इंडिया’ने मोहम्मद शमीची त्याच्या उत्कृष्ट कामगिरीसाठी TOISA पुरस्कारासाठी निवड केली.

यानंतर मोहम्मद शमीने सोशल मीडियावर पोस्ट करत पुरस्काराबाबत माहिती दिली. उत्तर प्रदेशचे मुख्यमंत्री योगी आदित्यनाथ यांनी मोहम्मद शमीचा TOISA पुरस्कार देऊन गौरव केला. यानंतर या वेगवान गोलंदाजाने सोशल मीडियावर आपल्या भावना व्यक्त केल्या आहेत.

योगी आदित्यनाथ यांच्या हस्ते पुरस्कार

मोहम्मद शमीने उत्तर प्रदेशचे मुख्यमंत्री योगी आदित्यनाथ यांच्यासोबतचे काही फोटो सोशल मीडियावर पोस्ट केले आहेत. या फोटोच्या कॅप्शनमध्ये मोहम्मद शमीने लिहिले की, हे सांगताना खूप आनंद होत आहे की मुख्यमंत्री योगी आदित्यनाथ सर यांनी मला प्रतिष्ठित टाइम्स ऑफ इंडिया TOISA पुरस्कार (क्रिकेटर ऑफ द इयर) देऊन सन्मानित केले आहे. हा पुरस्कार उत्तर प्रदेश सरकारने प्रदान केला आहे.

खरं तर मोहम्मद शमी आयपीएल 2024 च्या हंगामामध्ये खेळू शकणार नाही. मोहम्मद शमी न खेळणे हा गुजरात टायटन्ससाठी मोठा धक्का मानला जात आहे. मोहम्मद शमी त्याच्या शस्त्रक्रियेसाठी इंग्लंडला जाणार आहे. मोहम्मद शमीच्या आयपीएल कारकिर्दीवर नजर टाकली तर या खेळाडूने आतापर्यंत 110 आयपीएल सामन्यांमध्ये 127 बळी घेतले आहेत.

Thrilled to announce that I have been honored with an award from Chief Minister @myogiadityanath sir at the prestigious Times of India-TOISA awards as a best cricketer of the year 🏆presented by the Uttar Pradesh government!”

#AwardWinning, #TOISAAwards,… pic.twitter.com/pO2MYravan

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) February 24, 2024

Mohammed Shami चा खास सन्मान

शमीची अनुपस्थिती हा गुजरात टायटन्ससाठी मोठा धक्का मानला जात आहे. शुभमन गिलच्या नेतृत्वात प्रथमच गुजरातचा संघ आयपीएलच्या यंदाच्या हंगामात दिसणार आहे. हार्दिक पांड्याची मुंबई इंडियन्सच्या संघात घरवापसी झाल्यानंतर शुभमनकडे गुजरातच्या संघाचे कर्णधारपद सोपवण्यात आले.

वन डे विश्वचषक 2023 मोहम्मद शमीने गाजवला असे म्हटले तर ते वावगे ठरणार नाही. त्याने सर्वाधिक बळी घेऊन मिळालेल्या संधीचे सोने केले. सुरूवातीच्या सामन्यांमध्ये संधीच्या शोधात असलेल्या शमीला संधी मिळताच त्याने पहिल्याच सामन्यात 5 बळी घेऊन पंजा मारला.