सांगली | भाजप आमदार गोपीचंद पडळकर (Gopichand Padalkar) हे वारंवार राष्ट्रवादी काँग्रेसचे अध्यक्ष शरद पवारांवर (Sharad Pawar) टीका करताना दिसतात. आता पुन्हा एकदा गोपीचंद पडळकर यांनी (Gopichand Padalkar) शरद पवारांवर टीका केलीये.
सांगली येथील आरेवाडीमध्ये गोपीचंद पडळकर यांनी दसरा मेळाव घेतला यावेळी बोलताना पडळकर यांनी शरद पवार यांचे नाव न घेता जहरी टीका केली. आपल्यामध्ये फूट पाडावी असा प्रयत्न केला जातोय. अनेक ठिकाणी वेगवेगळ्या ठिकाणी तुम्ही कसे विभागला जाल? अशा पद्धतीचं षडयंत्र महाराष्ट्रामधून राबवलं जातंय. लबाड लांडग्यांच्या पिलावळीनी विष पेरायला सुरुवात केलीय. लबाड xxxx कोण आहे हे तुम्हाला माहित आहे की नाही?, अशी टीका पडळकरांनी केलीये.
मागच्या दोन तीन महिन्यापूर्वी त्यांचा पुतण्या पार्टीतनं फुटला. आता त्याचा पुतण्या पार्टीतनं फुटला यात दुसऱ्याचा काय दोष आहे? पण, हे सगळेजण छगन भुजबळांच्या विरोधामध्ये शिव्या शाप द्यायला लागलेत. फुटलाय याचा पुतण्या आणि लागलेत कुणाच्या मागं?, असं म्हणत पडळकरांनी पवारांवर निशाणा साधलाय.
दरम्यान, महाराष्ट्रामध्ये गरीब मराठा समाजाला आरक्षण मिळालं पाहिजे अशी भूमिका शालिनीताई पाटील यांनी आमदार असताना घेतली. तेव्हा त्यांना पक्षातून बाहेर काढलं. मराठा समाजाला पहिल्यांदा विरोध केला, असा आरोप पडळकर यांनी केला.
महत्त्वाच्या बातम्या-
- आदित्य ठाकरे अडचणीत?; ‘त्या’ नोटीसने टेंशन वाढवलं
- अमोल मिटकरींची मोठी मागणी; नव्या वादला तोंड फुटण्याची शक्यता
- “मर्द विकला जात नाही, मर्द गद्दारी करत नाही”
- मराठा आरक्षणाबाबत एकनाथ शिंदेंचं मोठं वक्तव्य!
- …असा सुरु झाला ड्रग्सचा कारखाना; ‘इतक्या’ लाखांमध्ये झाला होता सौदा