महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Hockey | भारतीय हॉकी संघाचा स्टार बचावपटू वरुण कुमार याच्यावर एका अल्पवयीन मुलीवर बलात्कार केल्याप्रकरणी गुन्हा दाखल करण्यात आला आहे. याप्रकरणी पीडित मुलीने बंगळुरू येथील ज्ञानभारती पोलीस ठाण्यात गुन्हा दाखल केला आहे. (varun kumar indian hockey player) वरुण कुमार हा सुमारे पाच वर्षांपूर्वी तिच्या संपर्कात आला आणि त्यानंतर लग्नाचे आमिष दाखवून तिच्यावर बलात्कार केला, असा आरोप तिने केला आहे. पीडित तरूणी ही स्वत: व्हॉलीबॉलपटू असून घटनेच्या वेळी ती वसतिगृहात राहून सराव करत होती.

पोलिसांनी बलात्कार आणि पॉक्सो कायद्यान्वये गुन्हा दाखल करून या प्रकरणाचा तपास सुरू केला आहे. बचावपटू वरुण कुमार याच्यावर अल्पवयीन मुलीवर बलात्कार केल्याचा आरोप आहे. पीडित मुलगी स्वतः व्हॉलीबॉल खेळाडू आहे. लग्नाच्या बहाण्याने वरुणने तिच्यावर वारंवार बलात्कार केल्याचे तिने पोलिसांना दिलेल्या तक्रारीत म्हटले आहे.

महिला खेळाडूसोबत शरीरसंबंध

आता त्याने लग्नाच्या चर्चेतून माघार घेतली आहे. या तक्रारीच्या आधारे पोलिसांनी गुन्हा दाखल करून तपास सुरू केला आहे. ही घटना 2016-17 मध्ये घडल्याचे पीडितेने पोलिसांना दिलेल्या तक्रारीत म्हटले आहे. त्या दिवसांत नॅशनल सेंटर ऑफ एक्सलन्सने तिची व्हॉलीबॉलसाठी निवड केली होती.

अशा परिस्थितीत ती भारतीय क्रीडा प्राधिकरणाच्या दक्षिण विभागात प्रशिक्षण घेत होती. त्यासाठी ती ज्ञान भारती पोलीस ठाण्याच्या हद्दीतील एका वसतिगृहात राहत होती. त्या दिवसांत तिची वरुण कुमारशी ओळख झाली. या भेटीचे रुपांतर हळूहळू मैत्रीत आणि नंतर प्रेमात झाले. त्यावेळी वरूणने तिला लग्नाचे आमिष दाखवले आणि फसवणूक केली असा आरोप पीडितेने केला आहे.

Hockey स्टार अडचणीत

पीडित तरूणी तेव्हा 17 वर्षांची होती, तरीही वरुणने तिला आपल्या प्रभावाखाली घेऊन तिच्यावर अनेकवेळा बलात्कार केला, असे तक्रारीत सांगण्यात आले आहे. पीडितेने सांगितले की, 2019 मध्ये एकदा जेवणाच्या बहाण्याने वरुणने तिला जयनगर येथे नेले, तिथे त्याने तिच्याशी शारीरिक संबंध ठेवले. वर्षभरापूर्वी वडिलांचे निधन झाले तेव्हाही त्याने तिच्या घरी येऊन सांत्वन केले. लवकरच लग्न करू, असे आश्वासनही त्याने दिले. मात्र आता वरूणने लग्नाला नकार दिल्याने पीडितेने पोलिसांत तक्रार दाखल केली.

कोण आहे वरूण कुमार?

भारतीय हॉकी संघाचा बचावपटू वरुण कुमार हा मूळचा हिमाचल प्रदेशचा आहे. त्याने पंजाबमधून हॉकीच्या आपल्या कारकिर्दीची सुरुवात केली आणि 2017 पासून भारतीय संघाकडून खेळण्यास सुरुवात केली. वरुणला 2022 मध्ये बर्मिंगहॅम येथे झालेल्या राष्ट्रकुल क्रीडा स्पर्धेत रौप्य पदक मिळाले होते. 2022 मध्ये आशियाई क्रीडा स्पर्धेत सुवर्ण पदक जिंकणाऱ्या संघात त्याचा समावेश होता. वरुणने 2020 साली टोकियो ऑलिम्पिकमध्ये भारताला कांस्य पदक मिळवून दिले होते. या कामगिरीसाठी हिमाचल सरकारने त्याला 1 कोटी रुपयांचे बक्षीसही दिले होते. यानंतर त्याला 2021 मध्ये अर्जुन पुरस्कारही मिळाला.