महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Pune News | पुण्यामधील कोंढवा येथे वाहतुकीमध्ये मोठे बदल करण्यात आले आहेत. त्यामुळे पुण्यातील नगरिकांनी घराबाहेर पडण्यापूर्वी ही बातमी नक्की वाचून घ्यावी. या भागात वाहतूक कोंडी होत असल्याने हे बदल करण्यात आले आहेत.

शीतल चौक, अशोका म्युझ सोसायटी, पारगेनगर व कौसरबाग येथे मोठ्या प्रमाणात वाहतूक कोंडी होत असल्याने हे बदल केले आहेत. वाहतूक सुरक्षित व सुरळीतपणे सुरू राहण्याकरीता वाहतूक बदलाबाबत तात्पुरते आदेश आदेश जारी करण्यात आले आहेत.

कोंढवा येथे वाहतुकीमध्ये बदल

या वाहतूक बदलानुसार ज्योती हॉटेल चौकातून फकरी हिल चौक मार्गे कमेला, साळुंके विहार येथे जाणारी सर्व प्रकारची जड वाहतूक व पाण्याचे टँकर उजवीकडे वळविण्यास बंदी करण्यात आली आहे. त्यामुळे ही वाहने लुल्लानगर ब्रिजखालून यु-टर्न करून कमेला साळुंके विहाराकडे जातील.

तसंच ज्योती हॉटेल चौकातून डावीकडे वळून मेफेअर जंक्शन मार्गे पारगेनगरकडे जाणारी जड वाहतूक व पाण्याचे टँकर सरळ ज्योती हॉटेल आणि शितल चौक या पर्यायी मार्गाने पारगेनगर कडे जातील.

यासोबतच सर्वोदय जंक्शन चौक येथून कौसरबागेकडे जाणारी जड वाहतूक व पाण्याचे टँकरला बंदी करण्यात आली असून मेफेअर मार्गे ज्योती हॉटेलकडे पर्यायी मार्गाने ही वाहने जातील.

कोंढवा वाहतुक विभागाअंतर्गत जारी केलेले हे वाहतूक बदलाचे तात्पुरते आदेश पुढील आदेश येईपर्यंत जारी राहतील, अशी माहिती वाहतूक शाखेकडून देण्यात आली आहे.