Budget 2024 | 1 फेब्रुवारी रोजी केंद्रीय अर्थमंत्री निर्मला सीतारमण या सलग सहाव्यांदा अर्थसंकल्प (Budget 2024) सादर करणार आहे. त्या आर्थिक वर्ष 2024-25 साठी पहिल्यांदा अंतरिम बजेट (Budget 2024) सादर करतील. यंदाच्या अंतरिम बजेट सादर होण्यापूर्वीच सरकारने मोठी घोषणा केलीये.
सरकारने दिली मोठी गुड न्यूज
देशात मोबाईल फोन तयार करण्यासाठी वापरले जाणारे पार्ट बाहेरून मागवले जातात. अशा परिस्थितीत त्यांची किंमत इतकी वाढते की परवडणारे फोनही खरेदी करणे कठीण होते. मात्र सरकारने याबाबत मोठी घोषणा केली ज्यामुळे आता सर्वप्रकारचे फोन स्वस्त होतील. मोबाईल फोन निर्मिती आणि संबंधित कंपन्यांसाठी एक दिलासादायक बातमी आहे.
सरकारकडून मोबाईल स्पेअर पार्ट्सवरील आयात शुल्क कमी
मोदी सरकारने अर्थसंकल्पूर्वी मोबाईल फोन बनवण्यासाठी वापरल्या जाणाऱ्या पार्ट्सवरील आयात शुल्क कमी केले असून आता 15% ऐवजी फक्त 10% शुल्क आकारले जाईल. भारताची आर्थिक स्थिती सुधारण्यासाठी विशेषतः निर्यात वाढवण्यासाठी भारत सरकारकडून हा निर्णय घेण्यात आला आहे.
या निर्णयानुसार बॅटरी कव्हर, मेन लेन्स, बॅक कव्हर, प्लास्टिक आणि इतर धातूच्या भागांवरील शुल्कही कमी करण्यात आले आहे. यासह, हे सर्व भाग 10% वर्क चार्जसह उपलब्ध होतील. ॲपलसारख्या मोठ्या कंपन्यांना या निर्णयाचा मोठा फायदा होणार आहे. या निर्णयानंतर आता भारतातून परदेशात अधिक फोन पाठवता येतील, यामुळे देशाची आर्थिक स्थिती मजबूत होईल.
फोन उत्पादक कंपन्या हे मान्य करत आहेत की भारतात फोन निर्मितीचा खर्च जास्त आहे आणि त्यांना तो कमी करण्याची गरज आहे. त्यांना सरकारने कर कमी करायचा आहे, ज्यामध्ये सुमारे 12 गोष्टींवरील कर कमी करणे समाविष्ट आहे. यामुळे फोन निर्मितीची किंमत कमी होईल आणि ते अधिक नफा कमवू शकतील. याशिवाय चिनी आणि व्हिएतनामी कंपन्यांशी स्पर्धा करणेही सोपे होणार आहे.
अर्थमंत्री निर्मला सीतारामन यांनी मोबाइल फोन उत्पादनाला चालना देण्यासाठी 2023-24 या आर्थिक वर्षाच्या अर्थसंकल्पात हे पाऊल उचललं. यामध्ये मोबाईल कॅमेरा फोनच्या घटकांवर लावण्यात आलेले 2.5 टक्के सीमाशुल्क हटवण्यात आलं.
महत्त्वाच्या बातम्या-
‘No Entry 2’ मधून सलमान खानलाच मिळाला डच्चू; नवीन कास्टची नावे ऐकून चाहत्यांना धक्का
Rahul Gandhi | बिहारमध्ये न्याय यात्रेत मोठी दुर्घटना, राहुल गांधी थोडक्यात बचावले
Pushpa-2 Release Date | प्रतीक्षा संपली! अल्लू अर्जुनचा ‘पुष्पा 2’ या दिवशी रिलीज होणार
Parambir Singh | परमबीर सिंग खंडणीप्रकरणी मोठी बातमी; सीबीआयचा अखेर खुलासा