Parambir Singh | ठाणे आणि मुंबईचे माजी पोलीस आयुक्त, महाराष्ट्र होमगार्डचे माजी डीजी आयपीएस परमबीर सिंग, (Parambir Singh) डीसीपी पराग मणेरे यांच्यासह 5 जणांविरुद्ध दाखल झालेल्या खंडणी प्रकरणात सीबीआयने ठाणे मुख्य न्यायदंडाधिकारी न्यायालयात क्लोजर रिपोर्ट सादर केला. सीबीआयने आरोपींविरुद्ध दाखल केलेला खटला बंद करण्याची विनंती केली आहे. तसेच, पुरेशा पुराव्याअभावी आरोपपत्र दाखल करण्यात आले नाही, असंही सांगण्यात आलं आहे.
कोपरी पोलीस ठाण्यात दाखल झालेल्या गुन्ह्यात सीबीआयने सिंग (Parambir Singh) यांच्यासह सर्वांना क्लीन चिट दिली आहे. तथ्य आणि परिस्थिती तक्रारकर्त्याच्या आरोपांना पुष्टी देत नाही, असे सीबीआयने म्हटले आहे.सीबीआय एसपी विकास कुमार आणि अतिरिक्त एसपी आर.एल. यादव यांनी 30 डिसेंबर 2023 रोजी या प्रकरणाच्या तपासाचा अंतिम अहवाल दिला होता.
सीबीआयचे सरकारी वकील अभिनव कृष्णा यांनी 18 जानेवारी 2024 रोजी ठाणे न्यायालयात क्लोजर रिपोर्ट सादर केला होता. 23 जुलै 2021 रोजी रिअल इस्टेट व्यावसायिक शरद अग्रवाल, रहिवासी भाईंदर यांच्या तक्रारीवरून, ठाण्याच्या कोपरी पोलिसांनी आयपीसी 109, 110, 111, 113, 120 बी, 166, 177, 203, 323, 342 नुसार गुन्हा दाखल केला होता.
शरदने त्याचा काका श्यामसुंदर अग्रवाल यांच्याकडून खोट्या प्रकरणात अडकवण्याची धमकी देऊन साडेचार कोटींहून अधिक रक्कम उकळल्याचा आरोप केला होता. याशिवाय तक्रारदाराच्या आईच्या नावावर असलेली आठ कोटी रुपयांची जमीन जबरदस्तीने एक कोटी रुपयांना विकण्यात आली. निम्मी रक्कम आयुक्तांच्या शासकीय निवासस्थानातून घेतल्याचा दावा अग्रवाल यांनी केला होता. श्यामसुंदरला 2016 मध्ये बनावट यूएलसी प्रकरणी अटक करण्यात आली होती.
2021 मध्ये कोपरी पोलिस ठाण्यात गुन्हा दाखल होण्याच्या दोन दिवस आधी सिंग आणि इतर सर्वांविरुद्ध मुंबईच्या मरीन ड्राइव्ह पोलिसात असाच गुन्हा दाखल करण्यात आला होता.
सिंग (Parambir Singh) यांनी देशमुख यांच्यावर आरोप केल्यानंतर त्यांच्याविरुद्ध महाविकास आघाडी सरकारने दाखल केलेल्या विविध गुन्ह्यांपैकी हा एक गुन्हा होता. राज्यात सत्ताबदल होताच या गुन्ह्याचा तपास सीबीआयकडे सोपवण्यात आला होता. या प्रकरणी सीबीआयने ठाण्याच्या मुख्य न्यायदंडाधिकाऱ्यांकडे अहवाल सादर करुन तपास बंद करण्याची परवानगी मागितली आहे
महत्त्वाच्या बातम्या-
Maratha resevation | मराठा आरक्षणाविरोधात ओबीसींनी उचललं मोठं पाऊल!
Anil Babar passed away | मोठी बातमी! शिंदे गटाचे आमदार अनिल बाबर यांचं निधन
“मला पटतं ते मी करतो लोक काय…”, तिसरं लग्न अन् Shoaib Malik नं अखेर सोडलं मौन
Accident | माजी केंद्रीय मंत्र्याच्या मुलाच्या गाडीचा अपघात; सुनेचा मृत्यू, माजी खासदार जखमी