Vijay Shivtare | शिवसेनेचे माजी आमदार विजय शिवतारे (Vijay Shivtare) आता पुन्हा एकदा चर्चेत आले आहेत. काही दिवसांआधी त्यांनी अजित पवार आणि शरद पवार यांच्यावर हल्ला केला. ते काल थेट मुख्यमंत्री एकनाथ शिंदे यांच्या भेटीला गेले होते. बारामती लोकसभा मतदारसंघातून निवडणूक लढवणार असल्याची इच्छा विजय शिवतारे (Vijay Shivtare) यांनी व्यक्त केली आहे. यामुळे ते मुख्यमंत्री एकनाथ शिंदे यांच्या भेटीला गेले होते.

विजय शिवतारे यांनी सात तास वाट पाहिली

मुख्यमंत्री एकनाथ शिंदे यांच्या शासकीय वर्षा बंगल्यावर विजय शिवतारे गेले असताना त्यांनी एकनाथ शिंदे यांची 5 ते 7 तास वाट पाहिली आहे. त्यानतंर विजय शिवतारे (Vijay Shivtare) आपल्या सहकाऱ्यांसह ठाण्याला गेले. ठाण्यातील नंदणवन या शासकीय बांगल्यावर गेले. तिथं एकनाथ शिंदे उपस्थित नव्हते.

काय म्हणाले विजय शिवतारे?

विजय शिवतारे यांना मुख्यमंत्र्यांची भेट घेण्यासाठी उशीर झाला यावर पत्रकारांनी विचारले. त्यावर विजय शिवतारे म्हणाले की, आचारसंहिता दोन दिवसात लागेल. ते राज्याचे मुख्यमंत्री आहे. आमच्या पक्षाचे नेते आहेत. मी त्यांच्यासाठी सात काय अधिक तास थांबेल, असं विजय शिवतारे म्हणाले.

बारामतीतून निवडणूक लढणार का? असा प्रश्न विजय शिवतारे यांना विचारला. तेव्हा विजय शिवतारे म्हणाले की, मुख्यमंत्र्यांशी भेटून सांगेल, असं उत्तर शिवतारेंनी दिलं. आता याचपार्श्वभूमीवर राज्याचे मुख्यमंत्री एकनाथ शिंदे यांनी बारामती लोकसभा मतदारसंघाबाबत समज दिली आहे.

मुख्यमंत्र्यांनी दिली समज

मुख्यमंत्र्यांनी विजय शिवतारे यांना 7 तास वेटींगवर ठेवल्यानंतर त्यांच्यामध्ये चर्चा झाली आहे. त्यावेळी बोलत असताना त्यांनी बारामती लोकसभा मतदारसंघामध्ये निवडणूक लढवण्यावर चर्चा केली आहे. मुख्यमंत्र्यांनी त्यांना समज दिली आहे. या तासाभराच्या बैठकीनंतर मुख्यमंत्र्यांनी दोन दिवस शांत राहण्याचा सल्ला दिला. शिवाय महायुतीत ज्याला उमेदवारी मिळते त्याच्यासाठी काम करायचं, अशी मुख्यमंत्र्यांनी समज दिली आहे.