महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Amit Shah | केंद्रीय गृहमंत्री अमित शाह महाराष्ट्र दौऱ्यावर असताना बुधवारी त्यांनी मुंबईत गायिका आशा भोसले यांची भेट घेतली. यादरम्यान दोघांनीही चर्चा केली आणि अनेक मुद्द्यांवर आपली मतेही मांडली. आशा भोसले यांनी गृहमंत्री अमित शाह यांच्यासाठी यावेळी खास गाणं सादर केलं. जे ऐकून गृहमंत्रीही मंत्रमुग्ध झाले. आशा भोसले यांनी आपल्या मंत्रमुग्ध आवाजाने उपस्थित सर्वांची मनं जिंकली.

गायिका आशा भोसले यांच्या एका पुस्तकाचं केंद्रीय मंत्री अमित शाह यांच्या हस्ते प्रकाशन करण्यात आलं. सह्याद्री अतिथीगृहावर झालेल्या या कार्यक्रमाला भाजपचे मुंबई अध्यक्ष आशिष शेलार, आशा भोसले यांच्यासह त्यांच्या कुटुंबातील काही सदस्य उपस्थित होते. ‘बेस्ट ऑफ आशा’ या फोटो बायोग्राफीमध्ये प्रसिद्ध फोटोग्राफर गौतम राज्याध्यक्ष यांनी आशा भोसले यांच्या अनेक खास छायाचित्रांचा साठा जपला आहे.

आशाताईंनी गायलं गाणं

आशा भोसले यांनी देवा आनंद यांच्या ‘हम दूं’ या चित्रपटातील ‘अभी न जाओ छोड़कर…’ हे गाणं गायलं. यानंतर त्या दोन गुजराती गाणी गातानाही दिसल्या. प्रसिद्ध छायाचित्रकार गौतम राजाध्यक्ष यांनी व्हॅल्युएबल ग्रुपच्या सहकार्याने ‘बेस्ट ऑफ आशा’ या पुस्तकातील आशा भोसले यांची छायाचित्रे प्रकाशित केली आहेत.

आशा भोसले यांच्या 42 वेगवेगळ्या छायाचित्रांचा समावेश करून हे पुस्तक तयार करण्यात आले आहे, जे त्यांच्या जुन्या आठवणी लोकांसमोर सुंदरपणे मांडण्यासाठी समर्थ आहे. नुकतेच आशा भोसले यांनी आपल्या मुलाखतीत संगीतावरील प्रेम व्यक्त केलं होतं.

Singer Asha Bhosle presented a rendition of ‘Abhi Na Jao Chhod Kar’ from the movie ‘Hum Dono’ during her meeting with Home Minister Amit Shah in Mumbai.#ashabhosale #AmitShah #Bollywood pic.twitter.com/PNhV3DZezl

— Roop Rai (@RoopRai80966289) March 6, 2024

Amit Shah यांचा महाराष्ट्र दौरा

आशा भोसले म्हणतात की, आपण श्वास घेतला नाही तर माणूस मरतो. माझ्यासाठी संगीत हा माझा श्वास आहे. या विचारानं मी माझं आयुष्य जगले आहे. मी संगीताला खूप काही दिलं आहे. मला खूप चांगलं वाटतं की मी कठीण प्रसंगांवर मात केली आहे. मी जगू शकणार नाही, असं अनेकवेळा वाटले, पण मी वाचले.

दरम्यान, भाजप नेते आणि गृहमंत्री अमित शाह यांनी आगामी लोकसभा निवडणुकीच्या पार्श्वभूमीवर महायुतीतील जागा वाटपावर चर्चा केली. मात्र, अद्याप कोणता पक्ष किती आणि कोणती जागा लढणार हे स्पष्ट झालेले नाही. एकनाथ शिंदेंची शिवसेना आणि अजित पवारांची राष्ट्रवादी काँग्रेस महायुतीचा भाग आहे. त्यामुळे जागा वाटपावरून मोठा पेच निर्माण झाला आहे.