महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Chhagan Bhujbal | आगामी लोकसभा निवडणूक आता तोंडावर आली आहे. मंत्री छगन भुजबळ यांना नाशिक लोकसभा मतदारसंघातून उमेदवारी जाहीर करण्यात आली आहे. अशी माहिती समोर आली आहे. नाशिक जागेवर भाजप आणि शिवसेनेनं दावा केला होता. मात्र आता ही जागा छगन भुजबळ (Chhagan Bhujbal) यांना मिळाल्याची माहिती समोर आली आहे.

नाशिकच्या जागेचा तिढा सुटला असल्याचं बोललं जात आहे. त्यामुळे हालचालींना वेग आला आहे. आज राज्याचे उपमुख्यमंत्री अजित पवार यांनी पुण्यात बैठक घेतली आहे. त्याबैठकीला छगन भुजबळ रवाना झाले.

अजित पवार यांच्या बैठकीला भुजबळ रवाना

अजित पवार यांच्या पुण्यात माढा, सातारा आणि नाशिक लोकसभा मतदारसंघाच्या निवडणूक बैठकीसाठी छगन भुजबळ आपली उपस्थिती दर्शवणार आहेत. भुजबळ यांच्यासह नाशिकचे अजित पवार गटातील काही पदाधिकारी आणि नेते मंडळी आपली उपस्थिती दर्शवणार आहेत.

भुजबळांची प्रतिक्रिया?

अजित पवार यांनी बोलावलेल्या बैठकीला छगन भुजबळ रवाना झाले आहेत. यावेळी त्यांनी माध्यमांशी संवाद साधला आहे. “ज्या जागा आम्हाला मिळणार आहे किंवा जागा मिळण्याची शक्यता आहे. त्याबाबत अजित पवार यांनी बैठक घेतली आहे. पक्षाचा नेता म्हणून अजितदादा आढावा घेणार आहेत,” असं भुजबळ म्हणाले आहेत.

उमेदवारीवर प्रतिक्रिया

दिल्लातून उमेदवारी निश्चित झाली आहे असं विचारल्यानंतर भुजबळ यांनी उत्तर दिलं. ते म्हणाले की, “मला कल्पना नाही मी पुण्याला गेल्यावर विचारतो. अनेकजण इच्छुक आहेत. आम्ही कोणावरही दबाव टाकला नाही”.

“मी राष्ट्रवादी पक्षात, माझ्या पक्षातर्फे लढणार, पक्ष बदलण्याचा प्रश्न येत नाही. ज्या पक्षाला जागा सुटेल तो लढेल. ज्या गटाचा उमेदवार असेल त्याला 100 टक्के निवडून आणण्याचा प्रयत्न करणार,” असं छगन भुजबळ म्हणाले आहेत.