Pune News l सध्या देशभरात चर्चेत असलेल्या पोर्शे कार प्रकरणासंदर्भात एक मोठी बातमी समोर आली आहे. या अपघात प्रकरणातील अल्पवयीन आरोपीचा जामीन रद्द करण्यात आला आहे. आता या प्रकरणी वेदांत अग्रवालला बालसुधारगृहात राहावं लागणार आहे. दारू पिऊन नशेमध्ये भरधाव वेगाने गाडी चालवत या अल्पवयीन वेदांत अग्रवालने दोन निष्पाप तरुणांचा जीव घेतला होता. त्यानंतर त्याला जामीन मंजूर देखील करण्यात आला होता.

वेदांतचा जामीन अर्ज फेटाळला :

मात्र आता बाल न्याय मंडळाने वेदांतचा जामीन रद्द केल्याची माहिती समोर आली आहे. तसेच अल्पवयीन आरोपी वेदांत अग्रवाल हा सज्ञान आहे की नाही हे पोलिस ठरवणार असल्याचं बाल न्याय मंडळाने म्हटलं आहे. भरधाव गाडी चालवत दोघांचा जीव घेतल्यानंतर वेदांत अग्रवालला अवघ्या 15 तासांमध्येच जामीन मिळाला होता. यामुळे राज्यभरातील नागरिक संतप्त झाले होते. वे

वेदांतला जमीन मिळाल्यानंतर नागरिकांतून एक प्रकारची नाराजी व्यक्त करण्यात आली होती. अशातच आता पोलिसांनी त्याच्यावर पुन्हा नवीन कलम लावले आहेत. त्यामुळे आता त्याचा जामीन रद्द करावा करण्यात आला आहे. अशातच काल सकाळी पुणे पोलिसांनी अल्पवयीन आरोपी वेदांतला कोर्टात हजर केलं होत.

Pune News l कोर्टामध्ये दोन्ही बाजूचे युक्तीवाद :

कोर्टात युक्तीवाद करत असताना पुणे पोलिसांनी मुलगा दारु प्यायला होता हे न्यायालयाला पटवून देण्याचा प्रयत्न केला होता. त्यासाठी अल्पवयीन मुलाने कोझी किचन हॉटेलमध्ये भरलेलं 48 हजार रुपयांचे बीलही कोर्टासमोर सादर करण्यात आलं होत. मात्र यावेळी दोन्ही बाजूचे युक्तीवाद झाल्यानंतर न्यायलायने हा आदेश दिला आहे.

हा मुलगा अल्पवयीन असल्याचं आरोपी वेदांतच्यावतीने युक्तीवाद केला आहे. तर या आरोपीने केलेलं कृत्य हे अत्यंत घृणास्पद असं आहे, त्यामुळे त्याच्यावर खटला चालवण्यासाठी परवानगी देण्यात यावी अशी मागणी पुणे पोलिसांच्यावतीने करण्यात आली आहे.