महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Uddhav Thackeray Attack Eknath Shinde l शिवसेना पक्षप्रमुख उद्धव बाळासाहेब ठाकरे यांनी शिंदे सरकारवर जोरदार हल्लाबोल केला आहे. महाराष्ट्रातील सरकारमध्ये टोळ्यांमधील युद्ध सुरूअसल्याचा आरोप उद्धव ठाकरे यांनी केला आहे. तसेच भारतीय जनता पक्षाचे (भाजप) राज्य युनिट इतर पक्ष फोडून त्यात त्यांच्या नेत्यांचा समावेश केल्याने ते कमकुवत झाले आहे, हे पंतप्रधान नरेंद्र मोदींनी समजून घेतले पाहिजे अशा शब्दांत उद्धव ठाकरे यांनी राज्य सरकारवर हल्लाबोल केला आहे.

महाराष्ट्रात मुख्यमंत्री एकनाथ शिंदे यांच्या नेतृत्वाखाली ‘टोळ्यांमधील युद्ध’ सुरु :

उद्धव ठाकरे (Uddhav Thackeray यांचे पुत्र आणि शिवसेना (उद्धव बाळासाहेब ठाकरे) नेते आदित्य ठाकरे यांनी देखील महाराष्ट्रात ‘टोळ्यांमधील युद्ध’ हे मुख्यमंत्री एकनाथ शिंदे यांच्या नेतृत्वाखाली सुरूअसल्याचा आरोप केला आहे. याशिवाय दोन दिवसांपूर्वी ठाणे जिल्ह्यातील जमिनीच्या वादातून भाजपचे आमदार गणपत गायकवाड यांनी स्थानिक शिवसेना (मुख्यमंत्री एकनाथ शिंदे गट) नेते महेश गायकवाड यांच्यावर गोळ्या झाडल्या.

त्याचपार्श्वभूमीवर उद्धव ठाकरे (Uddhav Thackeray) आणि आदित्य ठाकरे (AdityaThackeray) यांनी ही टीका केली आहे. या घटनेसंदर्भात आमदार गणपत गायकवाड यांना अटक करण्यात आली आहे तर शिवसेनेचे कल्याण विभाग प्रमुख महेश गायकवाड यांची प्रकृती चिंताजनक आहे.

Uddhav Thackeray Attack Eknath Shinde l सध्याच्या सरकारमधील टोळ्यांमध्ये युद्ध सुरू :

याशिवाय महाराष्ट्रातील सिंधुदुर्ग जिल्ह्यातील सावंतवाडी येथील सभेला संबोधित करताना माजी मुख्यमंत्री उद्धव ठाकरे म्हणाले की, 1990 च्या दशकातील शिवसेना-भाजप सरकारने मुंबईतील ‘अंडरवर्ल्ड’ टोळ्यांचे कंबरडे मोडले होते. (Uddhav Thackeray Attack Eknath Shinde)

एकनाथ शिंदे यांच्या नेतृत्वाखालील सरकारमधील कोणत्याही सहकाऱ्याचे नाव न घेता ते म्हणाले की, सध्याच्या सरकारमधील टोळ्यांमध्ये आता युद्ध सुरू झाले आहे. तिसरी टोळी 70,000 कोटी रुपयांच्या सिंचन घोटाळ्यात बुडाली आहे आणि त्यामुळे त्यांना डोके वर काढायला वेळ नाही.