मुंबई | शिवसेना (यूबीटी) नेते संजय राऊत (Sanjay Raut) यांनी केलेल्या मानहानीच्या तक्रारीप्रकरणी भाजप आमदार नितेश राणे यांच्याविरोधात मंगळवारी जामीनपात्र वॉरंट जारी करण्यात आलं आहे.
न्यायालयाने पुढील सुनावणी 15 डिसेंबरला निश्चित केली आहे. राणे हजर न राहिल्याने माझगाव महानगर दंडाधिकारी न्यायालयाने 15 हजार रुपयांचं जामीनपात्र वॉरंट जारी केलं आहे. न्यायालयाने गेल्या महिन्यात राणेंना प्रक्रिया (समन्स) बजावून त्यांना हजर राहण्याचे निर्देश दिले होते.
काय आहे प्रकरण?
यावर्षी मे महिन्यात नितेश राणेंनी राऊत यांना साप म्हणून संबोधले होतं. जो 10 जून 2023 पर्यंत उद्धव ठाकरेंना सोडून राष्ट्रवादी काँग्रेस पक्षात (NCP) सामील होईल. यामुळे आगामी काळात महाराष्ट्राच्या राजकारणात खळबळ उडणार आहे. संजय राऊत 10 जून रोजी राष्ट्रवादीत प्रवेश करणार आहेत, असं राणे म्हणाले होते.
संजय राऊत हे अजित पवारांचे विरोधक असून अजित पवारांनी पक्ष सोडल्यास ते राष्ट्रवादीत जातील, असा दावाही राणेंनी केला होता. मला मिळालेल्या माहितीनुसार संजय राऊत हे शरद पवारांच्या पश्चात आहेत कारण ते लवकरच राष्ट्रवादीत जाणार आहेत त्यामुळे घाई करत आहेत. संजय राऊत यांनी अजित पवारांना नेहमीच विरोध केला आहे. त्यामुळे त्यांची एकच अट आहे की अजित पवारांनी पक्ष सोडावा आणि ते राष्ट्रवादीत जातील, असं ते म्हणालेले.
दरम्यान, राऊत यांच्या वकिलांनी अर्ज दाखल केल्यानंतर कोर्टाने नितेश राणे यांच्या कणकवलीच्या पत्त्यावर जामीनपात्र वॉरंट जारी करण्याचे निर्देश दिले. या प्रकरणाची पुढील सुनावणी 15 डिसेंबर रोजी होणार आहे.
महत्त्वाच्या बातम्या-
नितेश राणेंच्या तोंडात घाणेरडी भाषा!, ठाकरेंवर बोलताना म्हणाले…
‘तुमच्या पायाला हात लावून सांगतो की…’; जरांगेंचं मोठं वक्तव्य
पुणेकरांनो काळजी घ्या! नाहीतर होऊ शकतो ‘हा’ आजार
‘जिंकलोच असतो, पण पनवतीने हरवलं’; राहुल गांधींची मोदींवर टीका
पुढील 24 तासांत राज्याच्या ‘या’ भागात पावसाचा अंदाज