Ashok Chavan | रविवारी झालेल्या मुंबईतील सभेतून काँग्रेस नेते राहुल गांधी यांनी महाराष्ट्रातील भाजपच्या बड्या नेत्यावर हल्लाबोल केला. भारत जोडो न्याय यात्रेचा समारोप करताना त्यांनी सत्ताधारी भाजपला लक्ष्य केले. काँग्रेस सोडून भाजपमध्ये दाखल झालेले महाराष्ट्राचे माजी मुख्यमंत्री अशोक चव्हाण यांनी राहुल गांधींच्या टीकेला आता प्रत्युत्तर दिले आहे. मी सोनिया गांधी यांच्यासमोर रडलो हे राहुल गांधी यांचे वक्तव्य राजकीय असल्याचे अशोक चव्हाणांनी सांगितले.
अशोक चव्हाण म्हणाले की, आपण सोनिया गांधींना दिल्लीत भेटलो नाही किंवा त्यांच्यासमोर कधीही रडलो नाही. त्यामुळे राहुल यांचे वक्तव्य पूर्णपणे राजकीय हेतूने प्रेरित आहे. राहुल यांच्या वक्तव्यात तथ्य नसून त्यांचे वक्तव्य राजकीय असल्याचे अशोक चव्हाण म्हणाले. तसेच आपण कधीही सोनिया गांधींना भेटलो नाही किंवा त्यांच्यासमोर रडलो नाही. आपण पक्षाचा राजीनामा देणार आहोत याची कोणालाच कल्पना नव्हती, असेही ते म्हणाले.
चव्हाणांनी आरोप फेटाळला
भारत जोडो न्याय यात्रेच्या समारोपासाठी काँग्रेसने मुंबईतील शिवाजी पार्कवर भव्य सभेचे आयोजन केले होते. यावेळी राहुल गांधींनी भाजप आणि पंतप्रधान नरेंद्र मोदींवर जोरदार हल्ला चढवला. ईव्हीएम, ईडी, सीबीआय आणि आयकर विभागाशिवाय पंतप्रधान मोदी निवडणूक जिंकू शकत नाहीत, असे राहुल गांधी यांनी म्हटले.
राहुल गांधींनी यावेळी इतर पक्षांतील लोक भाजपमध्ये सामील होत असल्याचा मुद्दा उपस्थित केला. ईडी आणि सीबीआयचा धाक दाखवून भाजप इतर पक्षांच्या नेत्यांना पक्षात सामील करत असल्याचा आरोप त्यांनी केला. यावेळी राहुल गांधी यांनी महाराष्ट्राचे माजी मुख्यमंत्री आणि खासदार अशोक चव्हाण यांचे नाव न घेता म्हटले की, केंद्रीय तपास यंत्रणांपासून वाचण्यासाठी काँग्रेस नेते भाजपमध्ये दाखल झाले आहेत.
Ashok Chavan यांच्यावर टीका
अशोक चव्हाणांवर टीका करताना राहुल गांधी म्हणाले की, मला नाव घ्यायचे नाही, पण या राज्यातील एका ज्येष्ठ नेत्याने काँग्रेस सोडली. ते रडत रडत माझ्या आईकडे गेले आणि तिला म्हणाले की, माझ्यात त्यांच्याशी लढण्याची ताकद नाही. मला तुरुंगात जायचे नाही. अशा शब्दांत राहुल यांनी अशोक चव्हाण यांच्यावर टीकास्त्र सोडले.
“त्यांचे हे विधान पूर्णपणे निराधार आहे. त्यात तथ्य नाही. राजीनामा दिल्यानंतरच ही बाब बाहेर आली. याआधी मी पक्षाचा राजीनामा देणार असल्याची माहिती कोणालाच नव्हती. मी कधीही सोनिया गांधींना भेटलो नाही किंवा त्यांच्यासमोर रडलो नाही. अशा परिस्थितीत राहुल गांधी जे बोलले ते पूर्णपणे खोटे आणि राजकीय आहे”, असे अशोक चव्हाण यांनी म्हटले.
News Title- BJP leader Ashok Chavan has responded to Congress leader Rahul Gandhi’s criticism
महत्त्वाच्या बातम्या –
PSL Final: इस्लामाबाद चॅम्पियन! IPL, WPL च्या तुलनेत पाकिस्तान सुपर लीगमध्ये बक्षिसांचा दुष्काळ
महाविकास आघाडीत ठाकरे गटाला ‘इतक्या’ जागा मिळणार?
‘आमचा निर्णय झालाय’; काँग्रेसचा ठाकरे गटाला इशारा
“भावाच्या विरोधात सख्ख्या भावाला उभं करणं हा एक अत्यंत…”
महायुतीत मनसेची एंट्री?; मुख्यमंत्री एकनाथ शिंदेंच्या ‘त्या’ वक्तव्याने राजकारणात खळबळ