महत्त्वाच्या बातम्यांसाठी ग्रुप जॉईन करा

WhatsApp Group Join Now

Telegram Channel Join Now

Baramati Lok Sabha | आगामी लोकसभा निवडणूक तोंडावर आलीये. राज्यात अनेक राजकीय घडामोडी घडत आहेत. राज्याचं नाहीतर देशाचं लक्ष हे बारामती लोकसभा (Baramati Lok Sabha) मतदारसंघाकडं लागलंय. बारामती लोकसभा (Baramati Lok Sabha) निवडणूक दिवसेंदिवस रंजक होताना दिसत आहे. राज्याचे उपमुख्यमंत्री अजित पवार आणि काका शरद पवार यांच्यात अनेक आरोप प्रत्यारोप होताना दिसत आहेत. अजित पवार यांनी मंगळवारी बारामती येथे पवार आडनावाला मत द्या, असं वक्तव्य केलं होतं. त्या वक्तव्यावर शरद पवार यांनी अजित पवार यांचा खरपूस समाचार घेतला. (Baramati Lok Sabha)

अजित पवार यांनी मंगळवारी पवार आडनावाला मतदान करण्याचं आवाहन केलं. आधी मुलीला तीन वेळा निवडून दिलं. आता सूनेला निवडून द्या, असं अजित पवार म्हणाले होते. त्यावर शरद पवार यांनी मूळ पवार हे वेगळे आणि बाहेरून आलेले पवार यांच्यात फरक आहे, असं वक्तव्य शरद पवार यांनी केलं. (Baramati Lok Sabha)

शरद पवार यांनी नाव जरी घेतलं नसलं तरीही त्यांचा पूर्णपणे रोख हा सुनेत्रा पवार यांच्यावर होता हे दिसून आलंय. याबाबत सुनेत्रा पवार यांना माध्यमांनी विचारलं असता त्यांनी यावर कोणतीही प्रतिक्रिया दिली नाही. त्या भावूक झाल्या.

डोळ्यांना रूमाल लावत सुनेत्रा पवार भावूक

सुनेत्रा पवार यांचा शरद पवार यांनी बाहेरचे पवार असा उल्लेख केला. त्याबाबत माध्यमांनी विचारल्यावर सुनेत्रा पवार या निरूत्तर झाल्या. मात्र त्यांनी मान हलवत डोळ्याला रूमाल लावला आणि त्या रडू लागल्या. माध्यमांनी विचारलेल्या प्रश्नावर त्यांना अश्रू अनावर झाले.

#WATCH | Pune: NCP candidate from Baramati, Sunetra Pawar gets emotional when asked about Sharad Pawar’s remark calling her ‘outsider Pawar’

Sunetra Pawar is the wife of Maharashtra Deputy CM Ajit Pawar and is contesting LS elections against NCP-SCP MP Supriya Sule from… pic.twitter.com/sJauAJa2fg

— ANI (@ANI) April 13, 2024

महायुतीकडून शरद पवार यांच्यावर टीका

शरद पवार यांच्या वक्तव्यावर राष्ट्रवादी काँग्रेसचे कार्यकर्ते आक्रमक झालेत. राष्ट्रवादी काँग्रेस प्रवक्त्या रूपाली पाटील यांनी शरद पवार यांच्यावर जळजळीत टीका केली. शरद पवार हे पोटच्या पोरीसाठी धृतराष्ट्र झालेत, असं रूपाली पाटील म्हणाल्यात.

लेकीसाठी राजकारणात तुम्ही तुमचे विचार बदलले. हे वाक्य, महाराष्ट्रातल्या समस्त लग्न करुन सासरी गेलेल्या सुनांचा अपमान आहे, असं शिंदे गटाच्या नेत्या शितल म्हात्रे यांनी शरद पवार यांच्यावर टीका केलीय.