नवी दिल्ली | 2020 मध्ये चीनच्या (China) वुहान येथून सुरू झालेल्या कोरोना व्हायरसने संपूर्ण जगाला वेठीस धरलं होतं. या विषाणूनेच जगभरातील कोट्यवधी लोकांना त्यांच्या घरात कैद होण्यास भाग पाडलं होतं. भारत असो की अमेरिका, चीन असो की नेपाळ, सर्व देशांना लॉकडाऊन लावावा लागला होता. आता या देशातून आणखी एका भयानक विषाणूची बातमी समोर येत आहे,
China मध्ये पुन्हा एकदा नव्या आजाराने थैमान घातलं आहे. ज्याबाबत WHO नेही इशारा दिला आहे. खरं तर चिनच्या मीडियानुसार, चीनच्या उत्तर-पूर्व भागात असलेल्या लिओनिंग प्रांतातील मुले वेगाने आजारी पडत आहेत.
या आजारादरम्यान मुलांमध्ये फुफ्फुसात जळजळ, खूप ताप, खोकला, सर्दी यांसारखी लक्षणे जाणवत आहेत. सध्या त्याला मिस्ट्री न्यूमोनिया म्हटलं जात आहे. या विषाणूचा प्रसार रोखण्यासाठी आणि मुलांना आजारी पडण्यापासून वाचवण्यासाठी शाळा बंद करण्यात आल्या आहेत.
कोरोना महामारीनंतर हा पहिला विषाणूजन्य आजार नाही ज्याने भारतासह इतर देशांना चिंतित केलं आहे. गेल्या काही वर्षांत मंकीपॉक्स, झिका, इबोला यांसारखे अनेक आजार खूप चर्चेत आहेत. विशेष म्हणजे हे सर्व विषाणू आशिया आणि आफ्रिकेतून आले आहेत. अशा परिस्थितीत, हा रहस्यमय न्यूमोनिया कसा टाळता येईल आणि गेल्या काही वर्षांत आशिया आणि आफ्रिकेत विषाणूजन्य आजार का वाढत आहेत हे या अहवालात जाणून घेऊया.
रहस्यमय न्यूमोनिया, हा विषाणू चीनमध्ये वाढत्या प्रमाणात मुलांना बळी बनवत आहे. या विषाणूची लागण झाल्यावर मुलांना फुफ्फुसात दुखणे, खूप ताप यासारख्या समस्यांना तोंड द्यावे लागते. फुफ्फुसात दुखत असल्याने रुग्णाला श्वास घेण्यासही त्रास होतो. चीनी मीडियानुसार, सध्या बीजिंगमधील लिओनिंगमधील बालरोग रुग्णालय या संसर्गाने बाधित मुलांनी भरले आहे.
वास्तविक, जर आपण निमोनियाच्या लक्षणांबद्दल बोललो तर, रुग्णाला कफ सोबत आणि नसलेला खोकला, ताप, थंडी वाजून येणे आणि श्वास घेण्यास त्रास होतो. दुसरीकडे, जर आपण चीनमध्ये पसरलेल्या या विषाणूबद्दल बोललो, ज्याला रहस्यमय न्यूमोनिया म्हटले जात आहे, याने संक्रमित झालेल्या मुलांमध्ये खोकल्याची लक्षणे नाहीत, परंतु त्यांना खूप ताप आणि फुफ्फुसात सूज आहे.
महत्त्वाच्या बातम्या-