अमृता फडणवीसही सोशल मीडिया सोडणार नाही; टाकलं मोदींच्या पावलावर पाऊल!

मुंबई | माजी मुख्यमंत्री आणि राज्याचे विरोधी पक्षनेते देवेंद्र फडणवीस यांच्या पत्नी अमृता फडणवीसही सोशल मीडिया सोडणार नाही. पंतप्रधान नरेंद्र मोदींच्या पावलावर पाऊल टाकत अमृता फडणवीस यांनीही महिलादिनी आपलं सोशल मीडिया अकाऊंट प्रभावी महिलेला वापरण्यास देण्याचा निर्णय घेतला आहे.

पंतप्रधान नरेंद्र मोदी यांनी ट्विट करत सोशल मीडिया सोडण्याचा विचार करत असल्याचं म्हटलं होतं. त्यांच्या या वक्तव्याने एकच खळबळ उडाली होती. मोदींनी सोशल मीडिया सोडलं तर आम्हीही सोशल मीडिया सोडू, असं भाजपच्या नेत्यांसह अनेक कार्यकर्त्यांनी यावेळी म्हटलं होतं.

अमृता फडणवीस यांनीही अशीच घोषणा केली होती. मात्र आता मोदी आपलं सोशल मीडिया अकाऊंट प्रतिभाशाली महिलांना वापरण्यास देणार असल्याचं समोर आल्यानं अमृता फडणवीस यांनीही तसाच निर्णय घेतला आहे. आपल्या सोशल मीडिया खात्याद्वारेच त्यांनी ही माहिती दिली आहे.

महात्मा गांधी यांचं वचन अमृता फडणवीस यांनी ट्विट केलं आहे. बोलण्याचे स्वातंत्र्य आणि सामाजिक परिवर्तनासाठी गाण्याचे स्वातंत्र्य आणि अंतर्गत शांती हा माझा जन्मसिद्ध हक्क आहे आणि मला तो मिळेल, असं त्यांनी या ट्विटमध्ये म्हटलं आहे.

Quote by #MahatmaGandhi “I want freedom for the full expression of my personality!”
Freedom of speech & freedom to sing for social change & for inner peace is my birthright & I shall have it ! I have the guts to be true to myself-wht bout u?My handle for strong women-Stay tuned! pic.twitter.com/SUTsJSGZ0N
— AMRUTA FADNAVIS (@fadnavis_amruta) March 4, 2020