Top News महाराष्ट्र मुंबई

358 तहसील आणि 44 हजार गावं तर एका गावाला किती शिवथाळी??; भाजपचा सवाल

मुंबई |  महाराष्ट्रात कोरोना संकटाच्या पार्श्वभूमीवर शिवभोजन थाळीचा विस्तार करण्यात आला आहे. तशी अंमलबजावणी देखील सुरू झाली आहे. मात्र भाजपने आकड्यांच्या खेळात महाविकास आघाडी सरकारला गाठत शिवभोजन थाळीवरून सवाल केला आहे.

महाविकास आघाडीचं सरकार सांगत आहे की, रोज एक लाख लोकांना ही थाळी देण्यात येईल. मग 358 तहसील, 44 हजार गाव. सांगा एका गावाला किती शिवथाळी??, असा सवाल भाजपचे प्रवक्ते केशव उपाध्ये यांनी केला आहे. त्यांनी यासंदर्भात ट्विट करून सरकारला प्रश्न विचारला आहे.

एक लाख लोकांना शिवभोजन थाळी देणार असं सांगतात ती सुद्धा एकवेळ आणि लॉकडाऊनमुळे रोजगार बंद असताना, अशी टीकाही उपाध्ये यांनी आपल्या ट्विटच्या माध्यमातून केली आहे. #मंत्री_मस्त_जनता_त्रस्त असा हॅशटॅग त्यांनी वापरला आहे.

दुसरीकडे कोरोनाचा संकट जाईपर्यंत शिवभोजन थाळी अवघ्या 5 रूपयांत देण्यात येईल, अशी घोषणा राज्य शासनाच्या वतीने मंत्री छगन भुजबळ यांनी केली आहे. रोज 11 ते 3 या वेळेत ही थाळी आता 10 रुपयांऐवजी 5 रुपयांना मिळेल, असं त्यांनी सांगितलं आहे. शिवभोजन थाळीचा विस्तार करण्यात आला आहे. रोज एक लाख लोकांना ही थाळी देण्यात येईल पुढील तीन महिने ही सवलत देण्यात आली असून यासाठी 160 कोटींचा कार्यक्रम आखला आहे, असं त्यांनी सांगितलं.

 

 

ट्रेंडिंग बातम्या-

कोरोना राहू द्या, आधी आव्हाडांपासून वाचवा- निरंजन डावखरे

धक्कादायक! महाराष्ट्रात एका दिवसात कोरोनाच्या 150 नव्या रुग्णांची नोंद

महत्वाच्या बातम्या-

“मुंबई अडीच लाख कोटी केंद्राला देते, त्यातील 25 टक्के महाराष्ट्राला द्या”

महाराष्ट्रातील भाजप नेत्यांचा मुख्यमंत्री सहाय्यता निधीवर विश्वास नाही; सामनातून टीकेचे बाण

निजामुद्दीनहून महाराष्ट्रात आलेल्या 50 ते 60 लोकांचे फोन बंद; पोलिसांकडून शोध सुरु

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या