दहशतवादी बुरहान वाणीच्या जीवनावर आधारित पाकिस्तानमध्ये चित्रपट!

By टीम थोडक्यात On April 30, 2019 2:54 pm

नवी दिल्ली | हिजबुल मुजाहिद्दीनचा दहशतवादी बुरहान वाणी याला भारतीय लष्कराने 2016 मध्ये चकमकीत ठार केले होते. आता त्याच्या जीवनावर आधारित पाकिस्तानमध्ये चित्रपट बनवला जाणार आहे.

विशेष म्हणजे या चित्रपटात पंतप्रधान इम्रान खान यांच्या पक्षातील नेते आमीर लियाकत हुसैन मुख्य भूमिकेत असणार आहे. इम्राण खान यांच्या तहरीक-ए-इन्साफ पक्षाने या वृत्ताला अधिकृत दुजोरा दिला आहे.

आमीर लियाकत हे पाकिस्तानमध्ये धार्मिक कार्यक्रमांचे सुत्रसंचालन करतात. तसेच ते आपल्या वादग्रस्त वक्तव्यांमुळे नेहमी चर्चेत असतात.

काश्मीरी चित्रपटांची चर्चा आंतरराष्ट्रीय पातळीवर होत नाही. तसेच काश्मिरी जनतेसाठी बुरहान वाणी हिरो असल्याची प्रतिक्रिया लियाकत अलींनी दिली आहे.