बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

ओबीसी आरक्षणासाठी येत्या 26 जून रोजी राज्यात चक्काजाम आंदोलन- पंकजा मुंडे

मुंबई | ओबीसींचं आरक्षण घालवून ठाकरे सरकारने ओबीसींच्या भविष्याचा खेळ खंडोबा केला आहे. त्याविरोधात येत्या 26 जून रोजी संपूर्ण महाराष्ट्रात चक्का जाम आंदोलन करण्यात येईल, असं भाजप नेत्या पंकजा मुंडे यांनी म्हटलं आहे. विरोधी पक्षनेते देवेंद्र फडणवीसांच्या निवासस्थानावर ओबीसी नेत्यांची बैठक पार पडली.

महाविकास आघाडीच्या चुकीमुळे ओबीसींचं आरक्षण गेलं आहे. राज्य सरकारने ओबीसींचं राजकारण संपवलं आहे. त्यामुळेच या सरकारला धडा शिकवण्यासाठी आम्ही येत्या 26 जून रोजी चक्काजाम आंदोलन करणार असल्याचं पंकजा मुंडे म्हणाल्या. ओबीसी नेत्यांची जवळपास तीन तास बैठक पार पडली. बैठक पार पडल्यानंतर पंकजा मुंडेंनी माध्यमांशी संवाद साधला.

ओबीसींना आरक्षण मिळणार नाही तोपर्यंत राज्यात कोणत्याही निवडणुका होऊ देणार नाही. तसा निर्णयच आजच्या बैठकीत घेण्यात आला असल्याची माहिती पंकजा मुंडेंनी दिली. मराठा आरक्षणा पाठोपाठ ओबीसी आंदोलनावरून राजकीय वातावरण तापलं आहे.

दरम्यान, सरकारला भरपूर अधिकार असतात. त्यावेळी आमच्याकडे निर्णयक्षमता होती. योग्य निर्णय घेण्याची आमची नियत होती. त्यामुळे आम्ही हे आरक्षण टिकवून ठेवण्यासाठी आम्ही पावलं टाकली असल्याचं पंकजा मुंडे म्हणाल्या.

थोडक्यात बातम्या- 

‘बाबा का ढाबा’चे मालक कांता प्रसाद यांचा आत्महत्येचा प्रयत्न

‘…अन्यथा रस्त्यावर उतरू’; विनायक मेटेंचा सरकारला इशारा

शिवसेनेचा वर्धापन दिन कशा पद्धतीने साजरा होणार?; अनिल परब यांनी दिली माहिती

‘….तर काँग्रेस पक्ष आडवा येईल’; भाई जगताप यांचा शिवसेनेला इशारा

ज्याची भीती होती तेच झालं! भारत-न्युझीलंड अंतिम सामन्याच्या पहिल्याच दिवशी पावसाचा खोळंबा

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More