गुडन्यूज… या शहरांमध्ये एकाच दिवशी 51 रुग्ण कोरोनामुक्त

By Thodkyaat On May 15, 2020 11:22 am

ठाणे | कल्याण डोंबिवलीत वाढत चाललेली कोरोनाबिधतांची संख्या ही चिंतेची बाब ठरली आहे. मात्र अशातच कल्याण-डोंबिवलीतून दिलासादायक वृत्त समोर आलं आहे. गुरूवारी एकाच दिवशी शहरातील 51 कोरोनाबाधित बरे झाले.

विविध रूग्णालयात हे कोरोनाबाधित उपचार घेत होते. उपचाराअंती त्यांचे अहवाल हे निगेटीव्ह आले आहेत. त्यांची प्रकृती आता ठणठणीत असून त्यांना आता रूग्णालयातून घरी सोडण्यात आलं आहे.

कल्याण डोंबिवलीत आतापर्यंत एकूण 391 कोरोना रुग्ण आढळले आहेत. तर यापैकी 181 रुग्णांनी कोरोनावर मात केली आहे. कल्याण डोंबिवलीसाठी ही निश्चित दिलासादायक बातमी आहे.

कल्याण-डोंबिवली हा कोरोनाचा नवा हॉटस्पॉट बनला आहे. सध्या केडीएमसीत तब्बल 121 रुग्ण हे शासकीय सेवेतील, अत्यावश्यक सेवेतील आणि खाजगी कर्मचारी आहेत.

ट्रेंडिंग बातम्या