बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

आरबीआयचा मोठा निर्णय; कर्जदारांना धक्का

नवी दिल्ली | भारतीय रिझर्व्ह बॅंकेने(RBI) एक मोठा निर्णय घेतला आहे. आरबीआयने रेपो दरात(Repo Rate) वाढ करण्याचा निर्णय घेतला आहे. आरबीयाच्या पतधोरण आढावा बैठकीत 50 बेसिस पाॅंईंटची वाढ करण्याचा निर्णय घेतला आहे. ही व्याजदार दरवाढ तात्काळ प्रभावाने लागू होणार असल्याचे आरबीआयचे गव्हर्नर शक्तिकांत दास यांनी सांगितले आहे.

आरबीआयच्या या निर्णयामुळे रेपो दर 5.40 टक्क्यांवर गेला आहे. रेपो दरात वाढ झाल्याने आता कर्ज महागणार आहे. त्यामुळे शैक्षणिक, वैयक्तिक, गृह, कार कर्ज महागणार आहे. आता आधीच्या महागाईला तोंड देत असताना सामान्यांची आणखी चिंता वाढण्याची शक्यता आहे.

आरबीआयचे गव्हर्नर शक्तिकांत दास (Shaktikanta Das) यांनी एक पत्रकार परिषद घेतली. त्यामध्ये त्यांनी महत्वाची माहिती सांगितली आहे. 2022-23 मध्ये भारताचा जीडीपी(GDP) 7.2 टक्के राहण्याचा अंदाज आहे. तसेच सध्या जागतिकीकरण आणि जागतिक अर्थव्यवस्थेवर(Economy) दबाव दिसून येत आहे. त्याचा परिणाम भारतीय अर्थव्यवस्थेवर होत आहे. देशात महागाईची चिंता कायम असल्याचेही दास यांनी सांगितले आहे. मान्सून सामान्य राहिल्यास आणि कच्च्या तेलाच्या किंमती 105 डाॅलर प्रति बॅरल राहिल्यास, चालू आर्थिक वर्षात महागाई दर 6.7 टक्के राहण्याचा अंदाज असल्याचंही दास यांनी यावेळी सांगितलं आहे.

दरम्यान, रेपो रेट म्हणजे ज्या दराने बॅंका आरबीआयकडून पैसे घेतात तो दर. म्हणजेच जर आरबीआयने रेपो रेट वाढवला तर बॅंका देखील ग्राहकांच्या कर्ज दरात वाढ करतात. त्यामुळे आता आरबीआयने रेपो दरात वाढ केल्याने  सर्वांना कर्ज घेताना कर्ज दर वाढणार आहे.

थोडक्यात बातम्या-

उपमुख्यमंत्री देवेंद्र फडणवीस दिल्लीला रवाना, मंत्रिमंडळ विस्ताराचा मुहुर्त ठरला?

मुख्यमंत्री एकनाथ शिंदेंच्या प्रकृतीबाबत अत्यंत महत्त्वाची समोर

“ईडीच्या कायद्यात लवकर जामीन मिळत नाही, पण काही मार्ग मिळाला तर आमच्या शुभेच्छा”

“प्लॅस्टिक सर्जरी ही फार महागडी गोष्ट, लग्नापूर्वी मी एकदाही ब्यूटी पार्लरला गेले नव्हते”

मोठी बातमी! शिंदे सरकारच्या मंत्रिमंडळ विस्ताराबाबत अत्यंत महत्त्वाची अपडेट समोर

 

 

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More