"मातृभाषेत शिक्षण देणारं वैद्यकीय, तांत्रिक महाविद्यालय प्रत्येक राज्यात असावं"

नवी दिल्ली | प्रत्येक राज्यामध्ये मातृभाषेत शिक्षण देणारे किमान एक मेडिकल आणि एक तांत्रिक महाविद्यालय असावं हे माझं स्वप्न आहे, असं पंतप्रधान नरेंद्र मोदी यांनी म्हटलं आहे. आसाममधील सोनितपूर येथील एका कार्यक्रमात ते बोलत होते.

सोनितपूर जिल्ह्यातील धेकियाजुली येथे पंतप्रधान नरेंद्र मोदी यांच्या हस्ते ‘असोम माला’ कार्यक्रमाचं उद्घाटन झालं.

ईशान्य भारत विकासाच्या मार्गावर आहे आणि त्यात आसाम महत्त्वपूर्ण भूमिका बजावत आहे. सामुहिक प्रयत्नांमुळे चांगली कामगिरी कशी करता येते याचं आसाम हे उत्तम उदाहरण आहे, असंही नरेंद्र मोदी म्हणाले.

दरम्यान, आसाममध्ये भाजप सत्तेत आल्यास अशा महाविद्यालयांची पायाभरणी करु, असं आश्वासनही मोदींनी दिलं आहे.

It is my dream to ensure that every state has at least one medical college and one technical college that teaches in mother tongue: Prime Minister Narendra Modi in Assam’s Sonitpur pic.twitter.com/135KqR3EYq
— ANI (@ANI) February 7, 2021