Top News पुणे महाराष्ट्र

पृथ्वीबाबांचा मोदी अन् ठाकरे सरकारला ‘हा’ महत्त्वाचा सल्ला…

पुणे | देशाची तसंच महाराष्ट्राची अर्थव्यवस्था कोरोनाच्या कचाट्यात सापडली आहे. तिला पूर्वपदावर यायला आणखी वेळ लागणार आहे. आगामी काळात आपली अर्थव्यवस्था रुळावर आणायची असेल तर जून महिन्यात केंद्र व राज्य सरकारने खर्चाचे मिनी अंदाजपत्रक जाहीर करावे, असा महत्त्वपूर्ण सल्ला माजी मुख्यमंत्री तसंच ज्येष्ठ काँग्रेस नेते पृथ्वीराज चव्हाण यांनी दिला आहे.

अर्थव्यवस्था रुळावर यावी, यासाठी केंद्राने 20 लाख कोटींचे पॅकेज जाहीर केले. त्यातून थेट मदत दोन लाख कोटींची होणार आहे. उर्वरित रकमेचे कर्जवाटप व सगळे संभ्रम निर्माण करणारे आहे, अशी टीका त्यांनी केंद्र सरकारवर केली आहे.

देशभरात प्रवासी मजुरांचे स्थलांतर, प्रवासासाठी झालेल्या अडचणी आणि त्यावर झालेलं राजकारण सर्वांना माहित आहे. त्यापुढे जाऊन आधी देशाची अर्थव्यवस्था रुळावर आणण्यासाठी उपाययोजना केल्या पाहिजेत. आपल्याला पुढचा काही काळ कोरोनासोबत जगावे लागेल याची मानसिक तयारी ठेवली पाहिजे, असं ते म्हणाले.

केंद्राने 20 लाख कोटींचे पॅकेज जाहीर केले. त्यातून आत्ता काय मिळणार हे अजिबात स्पष्ट नाही. उद्योजकांवर मोठा दबाव असल्याने ते खुलून बोलत नाहीत, असं ते म्हणाले.तर प्राप्त माहितीनुसार यातून फक्त 2 लाख कोटींचा थेट फायदा नागरिकांना दिसून येईल. उर्वरित बँक कर्ज, पुरवठा अशा योजना आहेत. त्यातून थेट फायदा दिसून येत नाही, असंही त्यांनी यावेळी सांगितलं.

ट्रेंडिंग बातम्या-

‘जे परीक्षा न देताच मुख्यमंत्री झाले त्यांनी…’; निलेश राणेंची मुख्यमंत्र्यांवर टीका

…अन् मीच पास झालो अशी मला फिलिंग आली, राज्यमंत्री तनपुरेंचं विद्यार्थ्यांना खास पत्र

महत्वाच्या बातम्या-

जिवलग मित्र वाजिद खानच्या निधनावर सलमानचं भावनिक ट्विट

ठाकरे सरकारची ‘मराठी ललकार’… सर्व माध्यमांच्या शाळेत मराठी भाषा अनिवार्य

शिवसेनेचे सोशल मीडियावर पेड ट्रोलर आहेत; फडणवीसांचा दावा

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या