‘अजब सरकारची गजब कहाणी’; मुनगंटीवारांची ठाकरे सरकारवर बोचरी टीका

By Thodkyaat On February 26, 2021 2:31 pm

Photo Credit- Facebook/ Sudhir mungantiwar, Uddhav thackarey

मुंबई | सध्या महाराष्ट्रात पूजा चव्हाण आत्महत्या प्रकरण सर्वत्र चर्चेत आहे. याप्रकरणात वनमंत्री संजय राठोड यांच्यावर सदोष मनुष्यवधाचा गुन्हा दाखल करुन त्यांच्या मंत्रीपदाचा राजीनामा घ्यावा अशी मागणी भाजप सातत्याने करत आहे. अशात भाजप नेते सुधीर मुनगंटीवार यांनी अधिवेशन घेण्यात यावं यासाठी मुख्यमंत्री उद्धव ठाकरे यांची भेट घेतली. त्यानंतर माध्यमांशी बोलताना त्यांनी पूजा चव्हाण आत्महत्या प्रकरणावरून सरकारवर निशाणा साधला.

कोरोना काळात निर्बंध लावलेले असताना सरकारमधील एक मंत्री 10 हजार लोकांना सोबत घेवून शक्तिप्रदर्शन करतो. पण सरकार महाराष्ट्रात कोरोना हात-पाय पसरत असल्याच्या कारणावरून अधिवेशन रद्द करतं. त्यामुळे या सरकारचं कामकाज म्हणजे अजब सरकार की गजब कहाणी, असं म्हणत मुनगंटीवारांनी सरकारवर टीकास्त्र सोडलं आहे.

वनमंत्री आहे म्हणून तो वनामध्ये कधीही कोणावरही हल्ला करु शकतो, असे वन कायदे वनमंत्र्यांना लागू नाहीत, असं म्हणत मुनगंटीवारांनी वनमंत्री संजय राठोड यांच्यावर टीका केलीये.

दरम्यान, कोरोनाबाबत सर्व खबरदारी घेऊन अधिवेशन घेण्यात यावं. मात्र कोरोनो वाढत आहे. या कारणावरून अधिवेशन रद्द करु नये, असं मुनगंटीवार म्हणाले.

थोडक्यात बातम्या-