'या' बंधूंना विक्रमाची संधी! प्रथमच एकत्र खेळणार आंतरराष्ट्रीय सामना?

वेलिंग्टन | न्यूझीलंडविरुद्धची एकदिवसीय मालिका खिशात घातल्यानंतर भारतीय संघ बुधवारपासून सुरू होणाऱ्या टी-20 मालिकेसाठी सज्ज झाला आहे. पहिल्या सामन्यात नवीन चेहरेही दिसणार आहे, त्यात कृणाल पांड्याला संघात संधी मिळते का? हे पाहणं महत्वाचं ठरणार आहे.

सामन्यात कृणालला अंतिम अकरा खेळाडूंमध्ये खेळण्याची संधी मिळाल्यास पांड्या बंधूंच्या नावे एक विक्रमाची नोंद होईल. हार्दिक व कृणालही आंतरराष्ट्रीय सामन्यात एकत्र खेळण्यासाठी उत्सुक आहेत.

हार्दिक व कृणाल कारकिर्दीत प्रथमच एकाच आंतरराष्ट्रीय सामन्यात खेळण्याची शक्यता आहे. सातत्यपूर्ण कामगिरी करणाऱ्या हार्दिकचे संघातील स्थान पक्के आहे.

दरम्यान, अमरनाथ आणि पठाण बंधूनंतर भारताकडून एकाच आंतरराष्ट्रीय सामन्यात खेळणारे ते तिसरे बंधू ठरतील.