‘अल्लाहने दाखवलेल्या रस्त्यापासून मी भटकले होते’ म्हणत या अभिनेत्रीने घेतला 18 व्या वर्षी संन्यास

By Thodkyaat On June 30, 2019 1:18 pm

मुंबई | ‘दंगल’ आणि ‘सिक्रेट सुपरस्टार’ यांसारखे सुपर डुपरहिट चित्रपट करून प्रेक्षकांच्या काळजाला हात घालणारी युवा अभिनेत्री झायरा वसिम हिने चित्रपट क्षेत्रातून संन्यास घेण्याचा निर्णय घेतला आहे.

सोशल मीडियावर एक पोस्ट लिहून तिने ही घोषणा केली आहे. तिच्या या निर्णयाने चाहत्यांना मोठा धक्का बसला आहे.

‘अल्लाहने दाखवलेल्या रस्त्यापासून मी भटकले होते’, असं तिने या पोस्टमध्ये म्हटलं आहे. तिने हा निर्णय घेण्यामागे कुठलंही कारण स्पष्ट केलं नाही.

दरम्यान, वयाच्या अवघ्या 18 व्या वर्षी तिने हा निर्णय घेतल्याने बॉलिवूडला देखील जोरदार धक्का बसलाय. पाच वर्षात मी अनेकदा संघर्ष केला. लहान वयात मी एवढा संघर्ष करू शकत नाही, असं तिने म्हटलं आहे.