बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

“अतिशय सुरक्षित असलेल्या चॉपरचा अपघात कसा झाला?, याची चौकशी केली जावी”

मुंबई | सीडीएस बिपीन रावत यांचं काल हेलिकॉप्टर क्रॅशमध्ये निधन झालं. त्यानंतर देशभरातून त्यांना श्रद्धांजली वाहिली जात आहे. याचबरोबर त्यांच्या निधनानंतर अनेक शंका कुशंका देखील उपस्थित केल्या जात आहेत. आता शिवसेना खासदार संजय राऊत यांनी देखील रावतांच्या अपघातबद्दल देशाला शंका असल्याचं म्हटलं आहे. शिवाय निधनाची सखोल चौकशी केली जावी अशी मागणी त्यांनी केली आहे.

संजय राऊत पत्रकार परिषदेत बोलत होते. यावेळी त्यांनी या अपघाताबद्दल शंका व्यक्त केली आहे. राऊत म्हणाले, रावत प्रवास करत असलेलं हेलिकॉप्टर अतिशय सुरक्षित मानलं जातं. मात्र, तरीही त्यांच्या चॉपरला अपघात झाला, असं सांगत या अपघाताबद्दल देशवासियांच्या मनात शंका आहे, असं राऊत यावेळी म्हणाले.

राऊतांनी यावेळी बिपीन रावत यांच्या अपघाताची सखोल चौकशी करण्यात यावी अशी मागणी केली आहे. शिवाय राऊत म्हणाले, बिपीन रावतांच्या अचानक निधनाच्या वृत्ताने देशाचे सर्वोच्च नेतृत्व देखील गोंधळले असेल. त्यांच्याही मनात शंका निर्माण झाली असेल. देशाची अनेक संरक्षणविषयक गुपितं त्यांना माहिती होती, असंही ते म्हणाले आहेत

दरम्यान, राऊतांनी यावेळी बिपीन रावत यांच्या आठवणींना उजाळा दिला आहे. ते म्हणाले, लष्कराच्या गणवेशाचा एक वेगळा रूबाब असतो. रावत हे तर देशाचे सेनापती होते. मात्र तरीही ते आमच्याशी बोलताना तो रूबाब बाजूला ठेवून बोलायचे, अशा भावना व्यक्त करतानाच त्यांनी याप्रकरणाची चौकशी करण्यात यावी अशी मागणी देखील केली आहे.

थोडक्यात बातम्या-

बिपीन रावत यांच्या अपघातापूर्वीचा ‘तो’ व्हिडीओ सोशल मीडियावर होतोय व्हायरल

CDS बिपीन रावतांच्या निधनावर पाकिस्तानने दिली ‘ही’ प्रतिक्रिया

3 मिनीटांत 900 कर्मचाऱ्यांना काढून टाकणाऱ्या भारतीय CEOनं अखेर माफी मागितली, म्हणाले…

CDS जनरल बिपीन रावत यांच्या निधनानंतर CDS पदासाठी ‘या’ मराठमोळ्या नावाची चर्चा

Omicronच्या पार्श्वभूमीवर ठाकरे सरकारनं घेतला ‘हा’ मोठा निर्णय

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More