‘मुख्यमंत्री म्हणून तुम्हाला तुमची लाज वाटायला हवी’; कंगणा राणावतचं मुख्यमंत्र्यांना प्रत्युत्तर

By टीम थोडक्यात On October 26, 2020 11:27 am

मुंबई | शिवसेनेच्या दसरा मेळाव्यातील भाषणात मुख्यमंत्री उद्धव ठाकरेंनी विरोधकांवर टीकेचे बाण सोडले. यावेळी त्यांनी मुंबईची तुलना पाकिस्तानशी करणाऱ्या अभिनेत्री कंगणा राणावतवरही जोरदार टीका केली. याच टीकेला कंगणाने प्रत्युत्तर दिलं आहे.

मुख्यमंत्री म्हणून तुम्हाला तुमची लाज वाटायला हवी. जनतेचे सेवक असताना तुम्ही क्षुल्लक गोष्टीवरून संघर्ष करत आहात. तुमच्याकडे असणारी सत्ता त्याचा वापर करून तुम्ही तुमच्याशी सहमत नसलेल्यांविरूद्ध त्यांना हाणी पोहोचवण्यासाठी करत आहात, असं कंगणाने म्हटलं आहे.

मुख्यमंत्री देशाचं विभाजन करत आहेत. त्यांना महाराष्ट्राचं ठेकेदार कोणी बनवलं, हे लोकांचे सेवक आहेत. यांच्यानंतर त्या ठिकाणी दुसरा कोणतातरी व्यक्ती असेल. मग ते महाराष्ट्र स्वत:च्या मालकिचा असल्यासारखं का वागत आहेत, असा सवालही कंगणाने केला आहे.

दरम्यान, मुंबई आणि महाराष्ट्रचं मीठ खायचं आणि नमकहरामी करायची, महाराष्ट्राची बदनामी कशाला करायची?, असं मुख्यमंत्री आपल्या भाषणात म्हणाले होते.

Look at the audacity of a working CM he is dividing the country who has made him Maharashtra ka thekedaar? He is just a public servant there was someone else before him soon he will be out someone else will come to serve the state, why is he behaving like he owns Maharashtra?

— Kangana Ranaut (@KanganaTeam) October 26, 2020