धनंजय मुंडेंच्या प्रकरणावर दत्तात्रय भरणेंची प्रतिक्रिया; म्हणाले…

By टीम थोडक्यात On January 13, 2021 2:11 pm

सोलापूर | राष्ट्रवादीचे नेते आणि मंत्री धनंजय मुंडे यांच्यावर रेणू शर्मा नावाच्या तरूणीने बलात्काराचा गंभीर आरोप केला आहे. यावर राष्ट्रवादीचे आमदार दत्तात्रय भरणे यांनी आपली प्रतिक्रिया दिली आहे.

विरोधी पक्षनेता आणि राजकारणी म्हणून धनंजय मुंडे यांचं कार्य मोठं आहे. मी छोटा माणूस आहे. धनंजय मुंडे हे पक्षाचे मोठे नेते आहेत. त्यावर मी अधिक बोलणं योग्य ठरणार नसल्याचं दत्तात्रय भरणे यांनी म्हटलं आहे. सिद्धेश्वर यात्रेच्या अक्षता सोहळ्यावेळी त्यांनी माध्यमांशा संवाद साधला.

प्रत्येक माणसाच्या आयुष्यात असे प्रसंग येतात. इतिहासात असे अनेक दाखले सापडतील. धनंजय मुंडे यांच्या या प्रकरणाची सत्यता पडताळल्यानंतर ‘दूध का दूध, पानी का पानी’ होईल, असंही भरणे म्हणाले.

दरम्यान, एखाद्याने तुमच्यावर आरोप केले तर पोलीस लगेच गुन्हा दाखल करू शकत नाहीत त्यापूर्वी सत्यता पडताळावी लागत असल्याचंही भरणे यांनी म्हटलं आहे.

थोडक्यात बातम्या-