Corona Update: पुण्यात ‘इतक्या’ कोरोना रुग्णांची नोंद, वाचा आजची आकडेवारी

By Sayali.Zarad On January 26, 2022 7:12 pm

पुणे | कोरोना महामारीचं सावट गेल्या दोन वर्षापासून थैमान घालत आहे. कोरोना विषाणूची धास्ती दिवसेंदिवस वाढत चालली असून रुग्णसंख्येतही झपाट्यानं वाढ होत आहे. यातच कोरोनाच्या तिसऱ्या लाटेनंही धडक दिली आहे.

कोरोना आणि कोरोनाच्या नवनवीन व्हेरियंटनं जगभरात हातपाय पसरवायला सुरुवात केली आहे. राज्यभरातून तर धडकी भरवणारी आकडेवारी समोर येत आहे. त्यामुळे नागरिकही चिंतेत आहेत.

पुणे शहरात दिवसेंदिवस वाढत चाललेली आकडेवारी पाहून चिंता व्यक्त केली जात आहे. कोरोनाच्या 5 हजार 521 नव्या रुग्णांची नोंद झाली आहे. शहरात आज पाच रुग्णांचा मृत्यू झाला आहे. शहरात 342 कोरोनाबाधित रुग्ण ॲाक्सिजनवर उपचार घेत आहेत. तर इनव्हॅजिव्ह व्हेंटिलेटरवर 46 आणि नॉन इनव्हॅजिव्ह व्हेंटिलेटरवर 35 रुग्ण आहेत.

दरम्यान, दिलासादायक बाब म्हणजे, दिवसभरात शहरातील 6 हजार 333 जणांना डिस्चार्ज देण्यात आला आहे. त्यामुळे आता कोरोनाच्या पार्श्वभूमीवर प्रशासनावरही ताण निर्माण झाला आहे.

थोडक्यात बातम्या –