बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

सकाळी स्पा, मसाज, जीम; तर रात्री… बंडखोर आमदारांचा दिनक्रम ऐकून चकीत व्हाल!

गुवाहाटी | शिवसेनेचे नेते एकनाथ शिंदे आणि बंडखोर आमदार यांनी सेनेत बंड करुन 40 आमदारांसह महाराष्ट्रातून पोबारा केला. प्रथम सुरत आणि नंतर गुवाहाटी असे दौरे करत शिंदे गट महाराष्ट्राचं राजकारण करत आहेत. दोन दिवसांपुर्वी सांगोल्याचे आमदार शहाजी बापू पाटील यांनी आपल्या एका कार्यकर्त्याला फोन करुन तिकडची आपली चैन वर्णन करुन सांगितली होती. काय झाडी, काय डोंगार, काय हॉटेल.. सर्व ओकेमध्ये आहे असं पाटील म्हणाले होते.

आता तिकडची त्यांची चैन आणि दिनक्रम समोर आला आहे. रेडीसन ब्लू या पंचतारांकीत हॉटेलमध्ये सर्व उतरले आहेत. सकाळी नऊ वाजेपर्यंत सर्व आमदार झोपून उठतात, नंतर व्यायाम आणि हिरवळीवर मॉर्निंग वॉक, नंतर भरपेट नाश्ता, टिव्हीवर बातम्या पहाणे, वर्तमान पत्रे वाचणे, दुपारी जेवणाच्या अगोदर मिटींग, एकनाथ शिंदे यांचे मार्गदर्शन मग वामकृक्षी. सायंकाळी पुन्हा चर्चा आणि बैठका रात्री गाण्यांच्या भेंड्या आणि झोप. आमदारांसाठी दिमतीला विशेष डॉक्टरांची एक टीमसुद्धा आहे.

रोजच्या राजकारणातून मिळालेली ही उसंत आणि मोकळेपणा सर्व आमदार भोगत आहेत. तसेच एकीकडे त्यांना राजकीय भविष्याची चिंता लागलेली आहे. त्यातच आता अपात्रतेच्या कारवाईवरुन देखील सर्वांना 11 जुलै पर्यंत मोकळीक मिळालेली आहे. त्यामुळे हे सुखाचे क्षण आणखी वाढणार आहेत. तसेच नेत्यांच्या आदेशाशिवाय हॉटेल बाहेर पडण्यास आमदारांना मज्जाव केलेला आहे.

स्पा, मसाज, पोहणे आणि राजकारणाची गणिते यात सुखाचे दिवस आमदार भोगत आहेत तर इकडे महाराष्ट्रात एका शेतकऱ्याने कर्जबाजारीपणाला कंटाळून विहरीत फास घेत आत्महत्या केल्याची घटना घडली आहे. तसेच राज्यात अजून पुरेसा पाऊस नसल्याने शेतकरी हवालदील झाले आहेत.

थोडक्यात बातम्या –

शिवसैनिकांचा संजय राठोडांना जोर का झटका, पूजा चव्हाण प्रकरणात करणार ‘हा’ धक्कादायक खुलासा

मुलाशी मैत्री केली म्हणजे मुलीची शारीरिक संबंधांना परवानगी समजू नये- उच्च न्यायालय

‘एकनाथ शिंदे फ्लोअर टेस्टसाठी जाणार नाहीत’, प्रकाश आंबेडकरांनी सांगितलं कारण

म्हैसाळमधील 9 जणांच्या आत्महत्याप्रकरणी अत्यंत धक्कादायक खुलासा!

पत्रकारांच्या गोटात खळबळ उडवून देणारी बातमी, ‘या’ पत्रकाराला अटक!

 

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More