आता मोदींनाच विचारायला हवं खरे मोदी कोण?- छगन भुजबळ

By टीम थोडक्यात On February 9, 2021 6:07 pm

मुंबई | राज्यसभेत बोलताना पंतप्रधान नरेंद्र मोदी यांना अश्रू अनावर झाले. यावरुन राष्ट्रवादी काँग्रेसचे ज्येष्ठ नेते छगन भुजबळ यांनी मोदींवर निशाणा साधला आहे.

आज कुणीतरी मला व्हॉट्सअॅपवर पाठवलं की, मोदींना आज राज्यसभेत गहिवरुन आलं. त्यामुळं खरे मोदी कोण? हा प्रश्न पंतप्रधान नरेंद्र मोदींनाच विचारायला हवं, असं म्हणत छगन भुजबळ यांनी मोदींना टोला लगावला.

भुजबळांना पत्रकारांनी राज्यसभेत राष्ट्रवादीचे अध्यक्ष शरद पवार यांच्यावर केलेल्या टीकेसंदर्भात विचारलं. मोदी पवारसाहेबांवर टीका पण करतात. यूटर्न केल्याचही बोलतात आणि युतीसुद्धा करतात, असं छगन भुजबळ म्हणाले.

दरम्यान, नरेंद्र मोदींनी राज्यसभेत शेतकरी आंदोलनावर बोलताना ‘आंदोलनजीवी’ हा शब्द वापरला होता. यावर आंदोलनजीवी कोण हे ठरवायच झालं तर काटा भाजपकडेच जातो, असं छगन भुजबळांनी म्हटलं आहे.

थोडक्यात बातम्या-