भाजपसोबत आमचा भावनिक बंध होता, 25 वर्षांचं नातं तोडताना खूप दु:ख झालं- संजय राऊत

By टीम थोडक्यात On November 14, 2020 12:18 pm

मुंबई | शिवसेना आणि भाजप राजकारणात 25 वर्षे एकत्र होते. त्यामुळे भाजपसोबत आमचा भावनिक बंध तयार झाला होता. त्यामुळे काँग्रेस-राष्ट्रवादीसोबत नवे घर थाटत असताना आम्हाला खूप दु:ख झाले होते, असं शिवसेना खासदार संजय राऊत यांनी सांगितलं आहे.

स्टँडअप कॉमेडियन कुणाल कामरा याने काही दिवसांपूर्वी संजय राऊत यांची मुलाखत घेतली होती. ही मुलाखत शुक्रवारी रात्री यू ट्यूबवर प्रसारित करण्यात आली. यामध्ये संजय राऊत यांनी विविध विषयांवर भाष्य केलं.

राज्यात महाविकास आघाडीचे सरकार स्थापन झाल्यानंतर अनेकांना विश्वास बसत नव्हता. उद्धव ठाकरे खरंच मुख्यमंत्री झाले आहेत का, हे लोकांना खरं वाटत नव्हतं, असं राऊत म्हणाले.

आपण स्वप्नात तर नाही आहोत ना हे तपासण्यासाठी लोक स्वत:लाच चिमटा काढून बघत होते, असं संजय राऊत यांनी सांगितलं.

महत्वाच्या बातम्या-