“पालघर प्रकरणी 8 तासांत 101 आरोपी ताब्यात, त्यात एकही मुस्लिम नाही, जातीचं राजकारण करू नका”

By Thodkyaat On April 22, 2020 9:49 am

मुंबई | पालघरमध्ये घडलेल्या प्रकरणाने संपूर्ण देशात संपापाची लाट पसरली आहे. सोमवारी मुख्यमंत्री उद्धव ठाकरे यांनी याप्रकरणी राज्याला संबोधित केल्यानंतर आज गृहमंत्री अनिल देशमुख यंनी फेसबुक लाईव्हद्वारे याचप्रकरणावर दीर्घ भाष्य केलं.

सध्या संपूर्ण देश कोरोनाविरूद्ध लढाई देत आहे. मात्र ही लढाई लढत असताना पालघरला अतिशय दुर्दैवी घटना घडली. पालघरची घटना घडल्यानंतर 8 तासात 101 जण पोलिसांच्या ताब्यात आहेत. तसंच या प्रकरणाचा तपास सीआयडीकडे सुपूर्द केला आहे, अशी माहिती त्यांनी फेसबुक लाईव्हच्या माध्यमातून दिली.

काहीजण पालघर प्रकरणी राजकारण करत आहेत. मात्र मी त्यांना सांगू इच्छितो की ताब्यात घेतलेल्या 101 जणांपैकी एकही मुस्लिम नाहीये. त्यामुळे या प्रकरणावरून कृपया राजकारण करू नका. जातीचे राजकारण करण्याचा प्रयत्न चुकीचा आहे. सध्या ही वेळ राजकारण करण्याची नाही, अशा शब्दात त्यांनी विरोधकांचे कान टोचले.

दुसरीकडे वाधवान कुटुंबाचा क्वॉरन्टाईनचा पीरियड संपत आहे. आम्ही सीबीआयला पत्र लिहून वाधवान कुटुंबाला त्यांच्या ताब्यात घेण्याची विनंती केली असल्याचं त्यांनी सांगितलं.

ट्रेंडिंग बातम्या-