बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

शेतकरी आंदोलन पुन्हा चिघळलं, पोलिसांशी हुज्जत घालत बॅरिकेट्स तोडले

नवी दिल्ली | केंद्र सरकारच्या नव्या कृषी कायद्यांविरोधात गेल्या सात महिन्यांपासून शेतकऱ्यांचं आंदोलन चालू आहे. मात्र, अद्याप केंद्र सरकारने यावर काही तोडगा काढलेला नाही. पंतप्रधान मोदींनी या कायद्यांनी शेतकऱ्याला फायदा होणार असल्याचं सांगितलं आहे. मात्र, शेतकरी आपलं आंदोलन मागे घेण्यास तयार नाहीत.

सुरुवातीला अतिशय शांतपणे चाललेलं शेतकरी आंदोलन आता हळूहळू हिंस्त्र रुप घेऊ लागलं आहे. दिवसेंदिवस शेतकऱ्यांच्या मनात नवीन कृषी कायद्यांविरोधात संताप वाढताना दिसत आहे. याच संतापातून आज पुन्हा एकदा शेतकरी आणि पोलिस आमनेसामने भिडले.

हरियाणातील यमुनानगरमध्ये आंदोलनातील शेतकऱ्यांनी पोलिसांशी हुज्जत घातली. यावेळी काही शेतकऱ्यांनी आपले ट्रॅक्टर्स देखील बॅरिकेट्सवर चढवले. यामुळे कित्येक  बॅरिकेट्स तुटले. पोलिसांनी यावेळी मोठा फौजफाटा तैनात करत परिस्थिती नियंत्रणात आणली आहे. मात्र, पुन्हा एकदा शेतकरी आणि पोलिस आमनेसामने आल्याने सध्या परिसरात तणावाचं वातावरण आहे.

दरम्यान, केंद्र सरकारने नव्यानं मंजूर केलेल्या कृषी विधेयकांमुळे देशभरातील शेतकऱ्यांमध्ये प्रचंड संताप पहायला मिळत आहेत. जोपर्यंत केंद्र सरकार हे कायदे मागे घेत नाही, तोपर्यंत आपण मागे हटणार नसल्याचं आंदोलनातील शेतकऱ्यांचं म्हणनं आहे. नव्या कृषी विधेयकांमुळे देशातील वातावरण दिवसेंदिवस तापत चाललं आहे. यामुळे मोदी सरकार या कृषी कायद्यांबद्दल काय तोडगा काढणार? हे पाहणं आता महत्वाचं ठरणार आहे.

थोडक्यात बातम्या – 

हरभजन सिंग पुन्हा बाबा झाला, पत्नी गीता बस्रानं मुलाला दिला जन्म

‘इयत्ता पाचवीवरील मुलांसाठी मोफत कंडोमची व्यवस्था करा’; शाळांना अजब आदेश

‘या’ जिल्ह्याला मिळाले कोरोना लसीचे तब्बल 60 हजार डोस; आठवडाभराच्या प्रतीक्षेनंतर लसीकरणाला सुरुवात!

‘म्हातारी असेल तुझी आई…’, ट्रोल करणाऱ्यांना कविता कौशिकनं झापलं

मोदी मंत्रीमंडळातील 42 टक्के मंत्र्यांची गुन्हेगारी पार्श्वभूमी; ‘इतक्या’ जणांविरुद्ध गंभीर गुन्हे दाखल

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More