बातमी जशी, आहे तशी...
Thodkyaat News | मराठी बातम्या | Marathi News Live | Marathi Breaking News | News in Marathi | Latest Marathi News | थोडक्यात

“यमदेव घेऊन जातो तेव्हा त्याच्या जवळही रेडा असतो, म्हणूनच…”

पुणे | राज्याचे उपमुख्यमंत्री तथा राष्ट्रवादी काँग्रेसचे नेते अजित पवार आपल्या बोलण्याच्या खास शैलीसाठी प्रसिद्ध आहेत. त्यातच आज पुण्यामध्ये अजित पवार विषाणू लस निर्मिती प्रयोग शाळेच्या नवीन इमारतीचे उद्घाटन करण्यात आले आहे. यावेळी बोलताना अजित पवारांनी पशुसंवर्धनाचं महत्त्व सांगितलं आहे.

नागरी आणि ग्रामीण संस्कृतीमध्ये माणूस आणि प्राण्याचे जीवाभावाचे नाते आहे. कृषीसंस्कृतीमध्ये माणूस आणि पशुपालनाचेे मोठे महत्व आहे. शेतावरच्या वस्तीवरही कुत्रे पाळले जातात. माणसाचे सच्चे साथीदार म्हणून प्राणी आहेत. देवदेवतांच्या प्रतिमांसोबतही प्राणी पहायला मिळतात, असं अजित पवारांनी म्हटलं आहे.

यमदेव शेवटच्या प्रवासाला घेवून जातो तेव्हा त्याच्याजवळ देखील रेडा असतो. म्हणूनच प्राण्याचे आणि माणसाचे नाते हे अनेक दशकांपासून आहे हे आपल्याला मान्य करायला लागेल. यावेळी बोलताना अजित पवारांनी त्यांच्या खासगी जीवनातील आठवणी सांगितल्या आहेत. दत्ता भरणे जेव्हा कॉलेजमध्ये होते तेव्हा माझा भाऊ देखील कॉलेजमध्ये होता. माझे वडिल लवकर गेल्याने माझ्यावर कुटूंबांची जबाबदारी होती, असं अजित पवारांनी सांगितलं.

दरम्यान, अजित पवारांनी पशुपालन आणि शेती केल्याच्या आठवणीही सांगितल्या आहेत. त्यावेळी एक गाई विकली तर त्या किंमतीतून एक एकर जमीन विकत घेतली. माझ्या बांधाच्या समोरचा चार एकरचा प्लॉट विकायला निघाला. मी चार गाई विकल्या आणि त्यातून चार एकर जमीन घेतली, यावर कोणाचाही विश्वास बसणार नाही, असं अजित पवारांनी म्हटलं आहे. हा व्यवसाय केल्याने शेतकऱ्यांना मोठा हातभार लागतो, हे मी स्वत: अनुभवलं आहे, असंही अजित पवारांनी सांगितलं.

थोडक्यात बातम्या-  

“शिवसेनेेचे वाघ असतात, वाघांचा बाजार नसतो… भाजपने पाठीत खंजीर खुपसला”

“महाविकास आघाडीतील छोट्या पक्षांना कवडीचीही किंमत देत नाहीत, शरद पवारांनी…”

फडणवीस म्हणतात, “संजय राऊतांना कोण घाबरतंय, पाचवीतील मुलंही…”

किरीट सोमय्यांचा सत्कार केलेल्या पायऱ्यांवर काॅंग्रेसनं शिपडलं गोमूत्र

“काॅंग्रेसवालो मत लो मोदीजीसे पंगा…”, रामदास आठवलेंनी सादर केली कविता

Comments are closed.

This website uses cookies to improve your experience. We'll assume you're ok with this, but you can opt-out if you wish. Accept Read More