महाराष्ट्र मुंबई

विदर्भातील धान उत्पादक शेतकऱ्यांना दिलासा, भुजबळांच्या पाठपुराव्याला यश

मुंबई | विदर्भातील धान उत्पादक शेतकऱ्यांना दिलासा देण्यासाठी धान खरेदीला मुदतवाढ देण्याची राज्य शासनाने केंद्राकडे मागणी केलेली होती. त्यामुळे केंद्र शासनाने रबी हंगामातील धान खरेदीला 31 जुलै पर्यंत मुदतवाढ दिल्याची माहिती राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी दिली आहे.

भंडारा, गोंदिया, चंद्रपूर, गडचिरोली इ. जिल्ह्यात रबी हंगामाचे उन्हाळी धान खरेदी करण्याकरिता शासनाकडून शासकीय आधारभूत धान खरेदी केंद्र सुरु करण्यात आलेले आहेत. या शासकीय धान खरेदी केंद्रावर प्रशासनाकडून 30 जून पर्यंत धानाची खरेदी केली जाणार होती. मात्र यावेळी उन्हाळी धान पिकांचे विदर्भात  मोठ्या प्रमाणात उत्पादन झाल्याने अनेक शेतकऱ्यांचे धान अजून त्यांच्याकडे पडून आहेत. त्यामुळे शेतकरी संकटात सापडून त्यांचे आर्थिक नुकसान होणार होते. त्यामुळे धान खरेदी केंद्रांना मुदतवाढ देण्याची शेतकऱ्यांकडून मोठ्या प्रमाणात मागणी केली जात होती.

धान खरेदीला मुदतवाढ देण्यासाठी छगन भुजबळ यांनी केंद्राकडे पाठपुरावा केला होता. केंद्र शासनाने धान खरेदीला मुदतवाढ दिल्यामुळे विदर्भातील धान उत्पादक शेतकऱ्यांना मोठ्या प्रमाणावर दिलासा मिळणार असल्याचे भुजबळ यांनी सांगितले.

केंद्र शासनाच्या विकेंद्रित खरेदी योजनेअंतर्गत राज्यातील रबी हंगामातील गव्हाची खरेदी केली जात आहे. सदर खरेदीला एक महिना मुदतवाढ देण्याची राज्य शासनाने केलेली मागणी केंद्राकडून मंजूर करण्यात आलेली आहे. राज्यामध्ये पहिल्याच वेळी केंद्र शासनाच्या विकेंद्रित खरेदी योजने अंतर्गत गव्हाची खरेदी केली जात आहे.

ट्रेंडिंग बातम्या-

सावधान! महाराष्ट्रातील ‘या’ दोन जिल्ह्यांमध्ये अतिवृष्टीचा इशारा

पवारांनी पंतप्रधान नरेंद्र मोदींना सल्ला द्यावा; आणखी एका काँग्रेस नेत्याचा शरद पवारांना टोला

महत्वाच्या बातम्या-

नवनियुक्त मुख्य सचिव संजय कुमार यांनी स्वीकारला पदभार

सुशांतच्या आत्महत्येनंतर स्वरा भास्कर मोठं वक्तव्य, म्हणते…

कोरोनाचं संकट दूर कर, महाराष्ट्राचं भलं करं; अजितदादांचं पांडुरंगाला साकडं

मेलवर बातम्या मिळवा

खालील रिकाम्या बॉक्समध्ये तुमचा ई-मेल आयडी टाका आणि Subscribe म्हणा. आमच्या बातम्या तुम्हाला ई-मेलवर मिळतील.

ताज्या बातम्या